Talyplar

GORMEDIK BAGLARYN GOZEL YALYDYR,
GORMEDIK YURTLARYŇ TASIN YALYDYR
GEN-TAŇ ISLER BOLUP GEÇYAR DUNYADE ,
GOZLER MYDAM GORMEDIGIŇ ZARYDYR!

AWTORY: JANIN JANINOWA!

Edebiýat, Pegas tarapyndan 3 years ago

Pegas

3 years ago

Neme, @GULSHATKA_03, Janini-hä tanamok welin, şu aşaky goşgyny-ha ýatdan bilýän.😊😊😊

Pegas

3 years ago

(A. Agabaýewe bagyşlanýar)

Görmedik baglaryň gözel ýalydyr,

Görmedik ýurtlaryň täsin ýalydyr.

Geň-taň işler bolup geçýär dünýäde —

Gözler mydam görmediginiň zarydyr.

Müsür piramidalarynyň öňünde

Namazyny okap gutaran fellah,

Guwansa-da Niliň keramatyna,

Ýene Eýfel, Jamna edýändir telwas.

Garagumuň bar depesin bilsem-de,

Gözlerim ýene-de Saharaga zar.

Her näme diýsegem, görmedik zadyň,

Gadagan edilen gadyrly bolýar.

Şeýdip, uzak ülkelere gidýäris,

Göz bilen gulaga dönüp durşuna.

Syn edýäris garyplygyň, baýlygyň,

Ejizligiň, wagtyň akyp barşyna.

Bizi haýran edýär özge binalar,

Kiçi, uly ýurtlaň gadymy däbi.

Arapda çekilen derdi-azarlar,

Şarapda müňleriň pygany dälmi?!

Keşt edip ýörüs biz ýakyny-ýady,

Der ysyna mäjum edip köýnegi.

Şeýdip, öwrenýäris teşnelik bilen

Öz iliňi, watanyňy söýmegi.

1968ý.

Gurbannazar Ezizow