Keşt eýledim,gezdim yşgyň dagyndan Ne beladyr,kimse çeker bu derdi? Yşk dagyn assalar gögüň boýnundan, Gök titreýip,çekebilmez bu derdi. Yşk eser etmese,ýanmaz çyraglar, Yşka düşse,guşlar eňrär gurt aglar, Egiler haýbatly,kuwwatly daglar, Daşlar erip,çekebilmez bu derdi. Kimdir yşkyň ýükün çeken merdana? Pelek gördü-gorkup düşdi gerdana Zemin jünbüş eýläp oldy lerzana, Çöller-düzler çekebilmez bu derdi. Behişt gaçyp çykmyş arşyň öýüne, Tamug gorkup inmiş ýerin teýine; Gaçdy derýa,aldy adam boýuna. Dört ýüz ýyllap çekebilmez bu derdi. Magtymguly,çekseň derdi düwünden, Ajy bolup,şikaýet etme bu gunden. Bu ölmek,aýrylmak galypdyr öňden, Peder bize miras goýmuş bu derdi...
BU DERDİ
-
Harmandali
16 years ago
- “Çyka bilmez sen”
Bu dünäniň gowgasyna baş urma,
Ol gowgaýa girseň, çyka bilmez sen!
Melgun şeýtan kimin bezäp, daş örme,
Soňra mäkäm bolar, ýyka bilmez sen!
Tilinde öwürmiş haky-senany,
Agyrtmagyl ata bile enäni,
Daglardan daşlardanuly günäni,
Agyrdyr günähi, çeke bilmez sen!
Garnyňy doldurma haram nygmatdan,
Tiliňi saklagyl dürli gybatdan,
Alymlara kylma ýowuz töhmetden,
Garnyň otdan dolar, döke bilmez sen!
Derwüşleriň başlaryny har etme,
Egsikleriň ýygladyban zar etme,
Ýetimleriň malyn alyp, zor etme,
Günäňi gaýryga daka bilmez sen!
Yşk derýasy joşar geler sakadan,
Köňlüňi saklagyl ýalan wakadan,
Ajal geler, tutar bir gün ýakadan,
Sagyňa, soluňa baka bilmez sen!
Ýagşy niýet eýle ýagşy piş eýle,
Ýagşylaryň sözün jana noş eýle,
Sapar kylsaň, azyk gerek, duş eýle,
Ýer astynda ekin eke bilmez sen!
Misgin, Magtymguly, ýakaň tutawer,
Haýr eýleýip, al şerapdan ýutawer,
Ummat bolsaň, biribara bitewer,
Resulyň ýüzüne baka bilmez sen!
-
Harmandali
16 years ago
- “Geçer ýaranlar”
Säher wagty ýatmaň, dileg çagydyr,
Ömür ýel dek gelip geçer, ýaranlar!
Ajal saky ýörir, golunda jamy,
Ol meýdan halaýyk içer, ýaranlar!
Ömür geler geçer, bäş gün döwrandyr,
Bäş wagt namaz hakdan bize permandyr,
Jan guşy bu tende bäş gün myhmandyr,
Perwaz edip, her gün uçar, ýaranlar!
Adamyň aslyny sorasaň laýdyr,
Ýüz müň ýyl ýaşasaň, bir güni waýdyr,
Bu dünýä, bilseňiz, köne saraýdyr,
Halaýyk kerwendir, geçer, ýaranlar!
Daýym diý, hak ýady bolsun soragyň,
Sapar etmek gerek, tutgul, ýaragyň,
Bu dünýäde niçe ýansa çyragyň,
Ajal eli degip, öçer, ýaranlar!
Bu dünýä, bilseňiz, ha-ýu-höwesdir,
Öler siz, akybet barça ebesdir,
Bu dünýä mümüne zyndan-kasapdyr,
Gara ýer barçany guçar, ýaranlar!
Sen öleňden soňra galan zürýatlaň,
Ogul-gyzyň, barça kylar haýhatlar,
Kepeniň boýuňa biçer haýýatlar,
Ahyrýet öýüni açar, ýaranlar!
Magtymguly, takyk bilgil olary,
Çünki göremeý ýokdur ölmeý galary,
Taňrynyň hakyky söwer gullary,
Dünýäni görende, gaçar, ýaranlar!
-
Harmandali
16 years ago
- “Gidip baradyr”
Dünýäge ygtymat etmäň ýaranlar,
Kime gelip, kimden gidip baradyr;
Mysaly Isgender şalyk sürenler
Bir-bir nobatynda ötüp baradyr.
Birewni baý eder, birewni gedaý,
Ne kylsa, erki bar ol kadyr hudaý,
Birewniň myradyn beriban haý-haý,
Birew gam şerabyn içip baradyr.
Birewge beripdir gaýgy-gam, mähnet,
Ömründe bir zaman görmedi rehnet,
Birewge edipdir namartny ülpet,
Anyň ömri “ah!” diýip, ötüp baradyr.
Birewniň başynda köpdür dumany,
Gaýgy-mähnet bile çykadyr jany,
Bir ýagşyga duş edipdir ýamany,
Näalaç dünýäden ötüp baradyr.
Kimseler ýyglaýdyr, maksadyn tapmaý,
Niçeler ah urar agzyny ýapmaý,
Bir ýaby baýrakny aladyr çapmaý,
Bir bedew gezmekde gaýdyp baradyr.
Dünýä üçin çekme gaýgy-endişe,
Sabr et belasyga, razy kylmyşa,
Ýyglaýyp gam bile ýörme hemişe,
Ajal eli ýakaň tutup baradyr.
Magtymguly aýdar, barça nesihat,
Hudaga gul boluň, resulga ummat,
Bilseňiz dünýäniň barysy hasret,
Hasret bile bir-bir gidip baradyr.
-
Harmandali
16 years ago
- “Gider”
Adam ogly, pelek seniň
Bir gün donuň biçer gider!
Saňa urar hanjaryny,
Jellat ganyň saçar gider!
Gezme dünýä meýil edip,
Bihuda ýerde seýl edip,
Öňki gonanlaryň ötüp,
Göz açynçaň geçer gider.
Ölseň, seni kimiň ýatlar,
Haýkyr galar bedew atlar,
Any münen goç ýigitler
Gara toprak guçar gider.
Dünýäniň soňy bibatdyr,
Binamazyň jaýy otdur,
Ölüm bir ajy şerbetdir,
Her kim andan içer gider.
Köňül aýdadyr: ölmeseň,
Lahatda tenha galmasaň,
Eýäňe dogry bolmasaň –
Içan senden gaçar gider.
Magtymguly, bu ne jaýdyr,
Ajap bir kerwensaraýdyr,
Dünýä bir loly heleýdir,
Bir gün seni guçar gider.
-
Harmandali
16 years ago
- “Öýler görer sen”
Panydan bakyýa barmaly bolsaň,
Tüýnüksiz, gapysyz öýler görer sen.
Namaz kylmaý, bigam ýatmaly bolsaň,
Tamug-dowzah atly jaýlar görer sen.
Özüňe dost bilme pany dünýäni,
Ýalançyda gazanmagyn günäni,
Baş atyp, göz gypyp, etme zynany,
Gabyr içinde çygyr, waýlar görer sen.
Namaz bile bäş işiňi jaý etgin,
Toprak bile öz köňlüňi taý etgin,
Muhammet zamundyr, şunda waý etgin,
Aždarha, mar atly möýler görer sen.
Terk eýlemäwergin bäş wagt namazyň,
Gör içinde egsik bolmaz owazyň,
Gyşyň eda bolup, tükenmez ýazyň
Aby-köwser, batmaz aýlar görer sen.
Bir gün zaýa eýlär asman, zemini,
Derýalar gark eder suwda gämini,
Iller, beýan etsek ýedi tamugny,
Içinde zekatsyz baýlar görer sen.
Säher turup, tiliň senalar sana,
Açlara nan berip, şalaňaç-dona,
Rahym ýoldaş etse seni imana,
Behişdiň içinde toýlar görer sen.
Asly käri gazanyňda, aşyňda,
Perişdeler oýluşarlar daşynda,
Hüýri gyzlar durmuş gaşyňda
Lagly-jöwahyrdan şaýlar görer sen.
Bende, Magtymguly, çagyr Allany ,
Azazyl şeýtana berme pelläni,
Nesip etse jennet içre hülläni,
Münseň, Byrag atly taýlar görer sen.
-
gerkez
16 years ago
- Tüweleme!Harmandäli göryän welin joşupsyň.ay joşmaz yalam däl,adyna döneyin Magtymgulujan yazmadyk tema,diymedik söz goymandyr.şahyrlaryň ýygnaşygynda aýdyşlary ýaly; \'\'Magtymguly hasyly orup gitdi,bize diňe hoşasyny ýygnamak galdy\'\' hergun hökman elime kitabyny alyp 3-4 goşgy hem bolsa okayan.her okaşymda täzeden hayran galyan şahyra.Turkmeniň goşgusuny her okanymda turkmenler barada mundan gowy goşgy ýazyp bolmajakdygyna anyk ýetirýän.
-
gerkez
16 years ago
- Feya seniň soragyň jogapsyz galmasyn.Magtymgulu pyragy şeyle diýýär;\'\'paş edip soranlara aýdyň bu garyp adymyz,Asly gerkez,yurdu Etrek,ady Magtymgulydyr\'\' men Etreklä däl welin bir ýerde garyndaşam bolýas şahyr bilen.lakamymyň başga bir manysy yok.
-
ýadan.
15 years ago
- külli türkmen magtymgula garyndaş. sen magtymguly bilen garyndaşlygyngy anygrak yazyp biljekmi.
gerkez tire adymy? haysy uly tira degişli. göklengemi?
Feya 16 years ago- kop sag bol gerkez!!!
senin nigin name manysy bar? ya senem shahyrymyzyn obadashy bolanson gerkez diydinmi?