Günlerde bir gün Magtymguly şahyry,barly toparyň wekilleri masgaralamak üçin: -Seniň ataň-eneň kim?Olar nätüýsli adam bolan?Şony bize aýdyp ber bakaly?-diýip ýüzlenipdirler. Şonda Magtymguly duran ýerinden olara şeýle jogap beripdir: Atam aslyn sorasaň- Däne seçýän daýhan är. Enem aslyn sorasaň- Sähra biten boý derek. Zähmetimiň miwesi Köp eýýäme gitse gerek. Magtymgulynyň jogabyny eşiden barly adamlar sesini çykaryp bilmän,öz ugruna gidipdirler.
Magtymguly hakynda
-
maksatmaksat
9 years ago
- Salam hormatly agzalar!Men adymy özgertdim.Öňki adym Zidan.
-
maksatmaksat
9 years ago
- Soňudagyň üstüne Büjnürt,Astrabat hanlary hüjüm edenlerinde,Magtymguly bu ýerde oturýan gökleň ilatyna dagyň ýeňsesindäki Gyzylbaýyr diýen ýere barmagy maslahat berýär.Duşman atlarynyň geçjek geçelgelerinde mergenleri ýatyrýar.
Bu wagtlar nowruz günleridi,häli- şindi çagba ýagyp,sil gelýärdi.çaýlar dolup akýardy.
Soňudagyň gaýrasyndaky Tersekanyň olumyndan geçjek bolanlarynda,Magtymgulynyň göçüni sil alýar.Magtymgulynyň ýazan ýedi sany kitaby suwa akýar.Adamlara akan kitaplaryň diňe ýekejesini alyp galmak başardýar.
Ýazan kitaplarym sile aldyryp,
Gözlerim yzynda girýan eýledi.
Magtymguly
-
maksatmaksat
9 years ago
- Günlerde bir gün,Magtymgulyny öz obaşlary bilen birlikde tussag edip,Tährana äkidipdirler.Şol ýeriň adamlary şahyry alyp galmak üçin:
-Indi sen biziň şahyr bolduň.Seni bu ýerden goýbermeris-diyip aytyarlar.
Onda Magtymguly:
-Menden han şahyry bolmaz.Men hiç wagt aslymdan dänmen.Her hili gynasaňyzam men sizden gorkman-diyipdir.
-"Meniň aslym gerkez,ýurdum Etrek,adym Magtymgulydyr"- diyen goşgusyny aýdypdyr.
Magtymgulyny tanaýan obalaryň adamlary bir gün mal-dünýäni gowy görýän Eýran şasyna ýyndam atlary berip,şahyry ýesirlikden boşadypdyrlar.
-
maksatmaksat
9 years ago
- Bir gün Magtymgulynyň deň-duşlary onuň ýanyna gelip:
-Eý Magtymguly,sen dünýäde sözlär ýaly söz goýman,hemmesini öz goşgularyň içine salyşdyrdyň.Indikiler seniň hoşany ýygnaýmasalar,başga zat tapmasalar gerek-diyipdirler.
Onda Magtymguly:
-Biz hoşamyzyň ýygnalmagyna razy.Ýöne desselerimizi ogurlaýarlarmykan öýdüp gorkýas-diýip aýdypdyr.
-
maksatmaksat
9 years ago
- Magtymguly Hywadaky "Şirgazy"medresesinde okap ýörkä,şäher köçeleriniň birinden bir ýana barýan eken.Şonda hanyň ýasawullarynyň bir topar ýesiri gamçylap,sürüp barýanyny görýär.Magtymgulynyň ýesirlere rehmi inýär.Şahyr duran ýerinde olara göwünlik berip:
Gyýmazlykdan bir söz diýdim baýakda,
Garaw bardyr ýersiz urlan taýakda,
Zalymlar har bolar,galar aýakda,
Garyp,sen ýyglama,şir dek bolar sen!-
diýip başlanýan goşgusyny düzýär.
-
maksatmaksat
9 years ago
- Garrymollanyň(D.Azady) ýaşaýan obasyna haja barýan Şagurbat diýen diwana gelipdir.Ol Garrymolla bilen gürleşipdir.Şagurbat Garrymolla ýaly ylymly adama duşandan soň:
-Men haja gitjek däl.Bu obada hakyky haja gowuşdym-diyip aydypdyr.
Ine.şundan soň şol obamyň ady Hajagowşan-Hajygowşan bolup galyberipdir.
-
lalalalalala
9 years ago
- Sen nireli maksat (zidan)
-
maksatmaksat
9 years ago
- Özüň nireli lalalalalala?!Marydan men?
-
maksatmaksat
9 years ago
- Özüň nireli lalalalalala?!Marydan men.
-
kitaphanachy
9 years ago
- Zidan bolsa diňe sport temalary açmaly bolýaň, a munda her hili tema açsaň bolýa
maksatmaksat 9 years ago- Magtymgulynyň ussahanasy adamsyz bolmaz eken.Kimsi ýüzük,kimsi göwüsbent,eýer,gamçy oňardar eken.
Bir gün bir gelin Magtymgulynyň ussahanasyna gülýakasyny gaş oturtmaga başlapdyr.
Ol birden gülýakasyny goýup,ýanyndaky döwet-galamyny alyp,bir zatlar ýazyp başlapdyr.Bu zatlary synlap oturan gelin:
-Şahyr aga,näme gyssandyňyz?-diýip sorapdyr.
Onda Magtymguly:
-Keýgim,ylham diyilýan zat bir uçup ýören guşdur.Ona gonanda tutmasaň uçar gider.Gülýaka bolsa hiç ýerik gitmez-diýipdir.Gelin ondan:
-Şahyr aga,ol nähili guş bolýar?Görünýän zat ýok-la?-diýip sorapdyr.Magtymguly heniz syýasy guramadyk kagyzy eline alyp,gelne"Dilberiň"diýen goşgusyny okap beripdir.