zaman gazetinden Nebit we tebigy gazdan ýylda birnäçe milliard dollar gazanýan Norwegiýa ga­zanan pullaryndan has netijeli peýdalan­mak üçin haýsy pudaga maýa goýum goýmalydygy barada tagalla edýär. Bäş million ilaty bolan ýurtda häzirki wagtda 400 milliard ýewro goýum üçin ýygnalypdyr. Dünýädäki paýnamalaryň bir göterimi bu ýurda degişli. Hiç bir ýur­da ýa-da gurama bergisi bolmadyk Nor­wegiýa 1996-njy ýyldan bäri girdejisi­niň artykmaç bölegini maýa goýum goýmakda peýdalanýar. Bu gazna gel­jek nesilleriň hem nebit we gazdan gel­ýän girdejilerinden peýdalanmaklary üçin döredildi. Nebiti eksport etmek bo­ýunça dünýäde altynjy ýerde durýan Norwegiýa tebigy gazy eksport etmek­de ikinji ýerde durýar. Ýurtda 1971-nji ýyldan bäri nebit çykarylýar. Bu gazna­nyň girdejileriniň dört göterimi döwlet büjetine geçirilýär. Esasy pul serişdesi bolsa harçlanmaýar. Bu gazna diňe daşa­ry ýurtlarda maýa goýum goýup bilýär. Golaýda bu gaznanyň gozgalmaýan em­läk pudagyna-da bäş göterimine çenlisi­ni ulanmaga rugsat berildi. Gaznanyň pul serişdesi bilen hiç bir şereketiň iki göteriminden köp bölegini satyn alyp bolmaýar.