Söýgi. Ähli duýgularyň enesi söýgi. Jebir çekdirýär, begendirýär, gaharlandyrýar, gabandyrýar, agladýar, gynandyrýar... Belki-de bizi haýwanlardan tapawutly etýän esasy zatlaryň biri... Näçe haýwanlardaky perzende bolan söýgi bar hem bolsa, bu olarda ýaradylyşdan bolýar... Biz - adam oglunda bolsa, birini näçe tanadygymyzça, şonça-da ýakynlaşýas... Wah, şu wagt şu mowzuk hakda şeýle köp zat ýazasym gelýär welin başaramok... Sözler täsirsiz gelýär... Nämeler etdirenok diýsene söýgi?! Nähili ýagdaýlara getirenok. $u wagt Kerim agaň şu setiri aklyma geldi: "Tas şahyr bolýadym, bolardym belkäm. Şahyrlyk ýangyndan başlanýar eken..." Nähili dogry aýdylan söz. Näçe ajaýyp romandyr eserleriñ ýazyjylary - $ekspirler, balzaklar, fizuliler, ýunus emreler, mollanepesdir kemineler we niçe ýazyjylar, ençeme dessanlar şu SÖZ sebäpli ölümsiz, ýagny unudylmaz eserler we ýazyjylar boldular... Diýmek, SÖÝGI şeýle bir täsin zat bolmaly, hat-da, söýgini ýatladýan kiçijek zat gadyrly, gymmatly bolýar durubeýär! Meniň pikirimçe, söýgide biraz gözelligiňem täsiri köpmükä diýýän. Elbetde, diňe dury gözellik däl, ýagny owadanlyk! Mysal üçin, pikir gözelligi, many gözelligi, şekil gözelligi we birgiden gözellikler... Adam ogly şol gözellikleriň birine maýyl bolýar... Mysal üçin, bir ýigit bir gyzy söýse, elbetde, owadanlygyna, belki-de edepliligine, hat-da belki- de eýjejik we näzikligine maýyl bolar... Ine, şondan soň başlaýar ähli zat... Eýdip-beýdip ýakynlaşjak bolar... Ah, niçäni ýandyran, niçäni söndüren, niçäni güldüren, niçäni öldüren... ÝENE-DE SÖÝGI! p.s: ýazan zatlarym biraz hyýaly, rusça aýtsak, emosionalno bolup biler welin, söýgi barada aýdylsa, duýgusyz galmak gaty kyn, hat-da mümkin däl..! Barybir söýgüni duýmadyk adam söýgi hakda dogry, anyk sypatlandyrma aýdyp bilmez.