Asfaltyň teýinden gül çykan ýaly, Gap-gara bulutdan gün çykan ýaly– Nirden çykdyň meň öňümden lowurdap, Gedaýyň jübsünden pul çykan ýaly?! Bir düşnükli sözüň ýeterlik wagty, Kime gerekmişin ullakan eser? Kämahal näz bilen towlanan zülpüň, Täsiri gözeliň özünden ýeser! Kä şeýle melege büdreýä gözüň– Kelläň gopup gitjek başyň ýaýkasaň. Az görünýä ony bagra basanyň, Bagryňy çykaryp oňa oýkasaň!