Ýaşaýyşyň Gözbaşyna meňzeýän gözlerden Gözýaşyň Dökmek kynmy näme? Içi suwdan doly iki deşikden, Damjajyklar syzdyrmak, Kynmy näme? Ataň ölende aglamak, Eneň ölende aglamak, Dostuňy, mähribanyňy, balaňy... Ýitireňde aglamak, Kynmy näme? Duýman durkaň, Iň agyryk ýeriňe Ursalar, Ilki gözüňden ot syçyrap, Soňam ajy damjalar damar, damar... Ýüregiň, bedeniň damar-damar, Her damardan birje damja Ýazyklaryňa meňzäp, Ýa meňzäp näzikligiňe Damar... Aglamak kynmy nämä? Aňsatmy näme? Ylyas Amangeldi