Kä wagt şu türkmenlere gaty gaharym gelýär. Ne gözel bir bina dikilýär. Ne gözel bir at dakylýar. Bitaraplyk binasy! Garaşsyzlyk binasy! Bular welin oňa özüçe at berýär. Üç aýak, sekiz aýak! Bar indi üç aýag-a boljagy boldy welin, bir hepde mundan öňmi nämemi, Nisa oteliniň ýanyndan ajaýyp bir meýdança açyldy. Meýdançanyň ortarasynda dünýä şaryny pyrlap duran diň dur. Heniz açylanyna bir hepde bolanok, millet eýýäm oňa Çupa- çups diýýär. Bir tarapdan, çupa- çupsa meňzemänem duranok welin, 45 million dollarlyk ne bir monumente çupa-çups dakýarlar. Haý, şu adamlara haýran galýan- da men.