Ejeňizi söýüň!
Söýgüňiz kemmäň!
Söýüň ony, diri wagty gadyrlap.
Eje ýetdirenok dünýäde hemmä,
Ýa-da gezmäň diliňizde hödürläp.

Ejeňizi söýüň!
Söýgüňiz kemmäň!
Ol sizi ulaltdy gije ukusyz.
Indi bir ýetişip ejeňiz depmäň,
Galarsyňyz dünýäňizde garaksyz.

Ejeňizi söýüň!
Söýgüňiz kemmäň!
Ol sizi semretdi özi horlanyp.
Aýazyň sowguna, tomsuň ýalnyna,
Bir halta un üçin galdy baglanyp.

Ejeňizi söýüň!
Söýgüňiz kemmäň!
Ol sizi ýaşatdy ile kemsitmän.
Indi beýgeleňsoň haramdan iýme,
Çünki ulalansyň haram süýt emmän.

Aýalyňam gowdyr.
Biz ony bilýas.
Ýöne diňe "Aýal" diýp ýatmalyň.
Garyplykda, kemçilikde bir söýjek,
Ýeketäk ejäni mydam ýatlalyň!

Söýüň ejeňizi entek dirikä!
Çünki ajal ýetjek kimden biri-kä?!

Rahymberdi
Suhanow
28.05.21 13:54