Alyp ene-ataň çäksiz idegin,
Unutma geýdigiň, sansyz iýdigiň,
Sowup pullaryny, ähli berdigin,
Bu gün gaýtarmaly bergiňden gaçma!

Söýdürip ýaryňa özüň bir ömür,
Köýdi seň ugruňda köýen deý kömür,
Onuňkam bir jandyr, däl ahyr demir,
Bu gün sen söýmeli, söýgiňden gaçma!

Kömek, goldaw alan bolsaň iliňden,
"Sag bolsun!" çykdymy seniň diliňden,
Soň agyr günä bor asylyp biliňden,
Gaýtarmaly hoş sözleriňden gaçma!

Köpçüligiň goldaw berer toýuňda,
Diňe toý däl, ýasyňada gelerler.
Senem iki eplenip ýatma öýüňde,
Edenlerini gaýtar, edenden gaçma!

Rahymberdi
Suhanow