Salam agzalar ýenede men size gowy goşgylary hödürleýän okaň lezzet alyň GEÇIPDIR Nanyn iýip suwun içdim jahanyň Pikir etsem ömrümizem geçipdir Suwun içip nanyn iýsem jahanyň Kem kemden ol meniň ganym içipdir Özümiz gojalsak göwünlerimiz ýaş Ömür ötse bolmaz oňa hiç alaç Ýalaňaç gelenler,gider ýalaňaç Pelek seniň bizden donuň biçipdir Pelegiň ýanynda ynsan bir ejiz Wagt öter,ömrüňde seniň geçer tiz Eý ynsan sen hapa bolmagyn hergiz Otur,oýlan,gör kimseler geçipdir Muhammedi resul,hezredi Isa Hak dosty Ybraýym,pygamber Musa Boýun egmedikler munda ebelise Syrat köprüsinden ýel dek geçipdir Geçipdir gör munda niçe alymlar Nähakdan gan döken ençe zalymlar Abu Lahyb,Furgun,hem-de Karunlar Ýerbe-ýegsan bolup har dek geçipdir Ýer-ýüzüni alan Isgender şany Goýdymy,bir seret bu jahan pany Pikir eýle tutan bamy dünýäni Bu gün gelen erte ýel dek geçipdir Hezreti Aly ol Allanyň şiri Ebu Bekir olam dörtleriň biri Kasym ibn Resul,Osman,Omary Dilim aýtmaz olaň bary geçipdir Eý pelek ýüzlensem men saňa göni Men görmedim bu jahany tutany Ata diýer bäş günläp söýsek watany Altynjy gün watan,dünýe geçipdir (ýazaryny bilemok) ÇÄJIŇE GÖRÄ Gara dag ddeý harmanyňa buýsanma Bahaňy bererler çäjiňe görä Eý, gardaşym ejizligiňi duýsaňda Gydyrdap işläber güýjüňe görä Ýagşa ýeter Biribaryň ýardamy Dünýäni gülleder äriň är demi Ornuň gapyň agzyndamy, tördemi Dünýä belli eder işiňe görä Göroglymyň? Daglara ur gadamyň Köpetdegy ýaly bolsun çydamyň Tumşugyňda ary bardyr gedemiň Özüňi goragyn döşüňe görä Kim-de bolsaň bu dünýäde arman bar Müň bir derde, müň-de iki derman bar Munda ýaşaýşyňa görä sarpaň bar Sarpaňy tutarlar boşuňa görä Soltan bolup bu dünýäni tutan ýok Dünýä yşykdyr, yşykdan doýup öten ýok Arşda Allaň paýhasyna ýeten ýok Adyň galar seniň işiňe görä (Beýik Saparmyrat Türkmenbaşy)