Käbäm
Gel sen dünýäm, sypa başym,
Mähriňe suwsadym, eje!
Çolarypdyr degre-daşym,
Mähriňe suwsadym, eje!

Hüwdüleriňi diňläp, diňläp,
Ýürek sesim bilmen gizläp,
Söý meni ýene ezizläp,
Mähriňe suwsadym, eje!

Ýürek sygman gursagyma,
Käte-käte batýan gama,
Janym gurban, käbäm saňa,
Mähriňe suwsadym, eje!

Aýlanyp dünýäň ýüzüni,
Ýygaly sähraň gülüni.
Gel käbäm, görkez ýüzüňi,
Mähriňe suwsadym, eje!
Myrat ÖMÜR, şahyr.
7.09.2021 18:51