Garabasma

Gülälekli gülzarlykdan,
Gyz gelýär görki görkana.
Gara gözli galamgashly,
Göz gerek görkün görmäge.

Gulagynda gulakhalka,
Gashy göwherden gupbasy.
Geýen geýnüwne gelishýär,
Guýma gashly gülýakasy.

Gözastyndan gyýa garap,
Gyzgelensoñ golaýyma.
Görmegine göwnüm gidip,
Gollarym goýdum goýnuna.

Guçdum gysyp gujagyma,
Gursagyma göwsün goýup.
Ganatlanyp göwün gushum,
Ganat gerdi gökde gaýyp.

Garsa gözlerim gerildi,
Görenlerim garabasma.
Galdym garañky gijede,
Göwnüm gaplap gaýgy-gussa.

Gultundyryp gözden gaýyp,
Gitdi görkana gözelim.
Gursakda galdy gaýgyly,
Goshan gysgajyk gazalym.
Awtory: Gurbangeldi Miralyýew.
17.07.2021 23:30