Ýedi ýaşynda Singapurda orta mekdebiň himi­ýa synagyny tabşyran Aýnan Seleste Kawliý (häzir 10 ýaşynda) ýokary bilim almak üçin Malaýziýa göçüp bardy.Onuň maşgalasy Malaýziýanyň uçursyz zehin­li çagalaryň intellektual derejesiniň kämilleş­megi üçin ençeme işleri alyp barýandygy üçin bu ýurda gelendiklerini mälim etdiler. Aýnanyň ejesi Şahada Osman Kawliý artist, kakasy Walentin Kawliý bolsa ýazyjy hem alym hökmünde tanalýar. Kakasynyň aýtmagyna görä, zehinli Aýnan doglany bäri surat çekmegi halaýar. Ýaňy dört ýaşyndaka Aýnan üç ölçegli suratyň jo­gabyny tapyp, onuň suratyny çekmegi başa­rypdyr. Haçan-da, ol öz daýzalaryndan himiýa kitabyny alanda 6 ýaşy hem dol­mandyr. Ýedi ýaşyna barýança ol himiýa boýunça orta mekdebiň maksatnamasyn­da berilýän soraglaryň ählisine jogap berip bilipdir. Sebäbi zehinli Aýnan birnäçe aýlap internetiň kömegi bilen himiýa sapagyny alypdyr. 2008-nji ýylyň sentýabryn­da Aýnan pi sanyny ýatdan aýtmakda ýokary üstünlik (ýagny, oturdan soň 518 sa­na çenli ýatdan aýdyp bilýär) gazanýar. Aýnanyň dokuz ýaşyndaky üstünligi bara­da aýtsak, 2008-nji ýylyň sentýabr aýyndan başlap ol kakasyndan fizika dersini alyp başlaýar. Geçen ýylyň ýanwar aýynda bolsa fizika boýunça orta mekdebiň sy­nagyndan geçýär. Kiçijik, uçursyz zehinli Aýnan uly adamlar bilen ylmy dilde, ça­galar bilen çaga dilinde gürleşip bilýär.