älemiň iň çetki nokatlaryndan başlap, tä biziň planetamyza çenli iň uly galaktikalardan aýa çenli her bir zat düzgün-nyzamly ýaradylypdyr. her bir hadysa nähilidir bir maksatnama we hasaplar esasynda amala aşýar. geçirilen barlaglar bize şuny görkez‎‎ýär: bu älemde iňňän inçe hasaplar ýöredil‎ýär. kim haýsy tarapdan seretse seredibersin, bu aýdylanlaryň hakykdygyna göz ýetirer. mysal üçin, geometriýa bilen gyzyklanýan adamlar islendik bir ýeri özleriçe ölçeseler, şol ýeriň nähilidir bir ölçege we şekile eýedigini görerler. bu şekil islendik görnüşde bolmagy mümkin: üçburçlyk, dörtburçlyk… ýene bir mysal, matematika bilen gyzyklanýanlar biziň gün ulgamymyzy gözden geçirseler, bu ulgamdaky iň ýakyn we iň uzak planetalaryň arasyndaky uzaklygy ölçäp görseler, ýa bolmasa ähli planetalaryň arasyndaky uzaklygy ‎ýeke-ýekeden ölçeseler, bu uzaklyklaryň arasynda üýtgemeýän gatnaşyklary hasaplasalar, taslap boljak ölçegleri tapsalar, onda olar diňe bir çäkli iki planetanyň arasynda däl, eýsem bütin äleme degişli formulalaryň, ululyklaryň we gatnaşyklaryň üstüni açarlar. alymlar özleriniň işlerinde mars bilen ýupiteriň arasyndaky uzaklygyň beýleki planetalaryň arasyndaky uzaklyk gatnaşyklaryna ters gelýändigini görüp, geň galdylar. emma alymlar ⅹⅸ asyryň başlaryndan ⅹⅹ asyryň başyna çenli, şu wagt aralygynyň dowamynda, bu iki planetanyň arasynda müňlerçe meteoritleriň belli bir ýodada hereket edýändigini görüp, şeýle netije çykarmaga mejbur boldular: “bu iki planetanyň arasynda üýtgeşik hasap ýöredilýär. heniz bilnmeýän uzaklyga degişli başgaça gatnaşyklar we formulalar bar. wagtyň geçmegi bilen ony-da anyklarys”. biz bu ýerde düşünjek bolýan meselämize gapy açyp, “oýlanma” atly çyrany ýakýarys. älemiň uç-gyraksyz sahypalaryndaky her bir setiriň, her bir sözüň beýik ýaradanyň bardygyna we onuň ýeke-täkligine güwä geçýändigini özümizçe düşündirjek bolýarys. şol sebäpden allatagalanyň ýaradan her bir zadynda düzgün-nyzamyň hökmürowandygyny aýdyp, käbir mysallary getirýäris we sizi oýlanmaga çagyrýarys.