Kemçiligim basyp göni ýüzüme,
Artyk tarapymam pişik deý gömmäň!
Belli däl näçe gün ýaşajagymyz...
Akylly tanyşlam göwnüme degmäň!

Ýönekeý mysal bar durmuşdan alnan,
Söýjek! Köýjek! Aljak! Goýjak! Nä derdiň?!
Birden däldiresem günlerde bir gün
Begenermiň? Gynanarmyň? Nädersiň?

Dostsyramak galar gerek düýbünden?
Kime gerek-garamaty bir sähnäň?!
Biz bu dünýä näme üçin "Ýalançy" diýýäs?!
Artist otyr aňyrsynda her sahnaň;

Bu gün ýigrenenlem ertir dostlarym,
Düýnki dost saýanlam bu gün duşmanym.
Neçün käbirini öýe goýberdim-
Eger-eger egsilenok puşmanym.

Garaz ähliňize ýeke sözüm bar
Özüne ýeterlik kemi bar hemmäň.
Ýa-ha bolşum ýalak kabul ediň siz,
Ýa... Owarra boluň... Göwnüme degmäň!

Maksat Allanow