Ödäp döwrüň talabyny,
Bilim alýan talyplarymyz,
Elden goýmaz galamyny,
Bilim alýan talyplarymyz.

Kitap göterip ýanynda,
Okap, öwrenip, aňynda,
Maksatlar goýup öňünde,
Bilim alýan talyplarymyz.

Hünär alyp taplanýarlar,
Barha öňe batlanýarlar,
Bäsleşýärler, şatlanýarlar,
Bilim alýan talyplarymyz.

Bagtyýarlygyň gülleri,
Döwri wasp eder dilleri,
Gül Diýaryň bilbilleri,
Bilim alýan talyplarymyz.

Närtäç Ýusupdurdyýewa