Talyplar

çilimi nädip taşlap bolýar?!!! çilimi taşlatýa diýip her tüýslije zat reklama etýäler. menä hiçisinem barlap göremmok, belki barlanyňyz bardyr. nähili täsir etýär. çilimi anyk taşlatýan ýol bilýäňizmi?! şu wagta çenli şular barada eşitdim: 1. Elektronika çilim. görnüşü, hemme zady çilim ýaly, emma batareýka bilen işleýär we endamyň talap etýän nikotinini berýär 2. Göbegiň üstüne bir zat ýelmeýäler, şol nikotin berýämişin 3. bir süji, şony iýseň soň çilim çekip bileňňokmyşyn, çekseňem ýüregiňi bulaýarmyşyn 4. başgada käbir psihologlaryň özüne göwni ýetýär, "men taşlatýan" diýýäler, emma seanslar 6 aý golaý dowam etýär.

Köneler, CeriumOxide tarapyndan 16 years ago

16 years ago

Meň şygarym:
"Başlama taşlanyňy, taşlama başlanyňy" :D

16 years ago

çilime öwrenşenler orazada nädyäkälerä, ýa allajan sen meni bagyşla naharsyz oňup bilýän çilimsiz oňup bilemok diýip super oraza tutyp ýörlermikä:P

...bagyşlaň oglanlar işim däl meselä goşulýanam welin...

16 years ago

1. Elektronika çilim.

Shol chilimden menem chekip gordum. Chyndanam chilimden tapavdy yok yalak gorunddi mana. Yone goyduryarmi bilemok

4. başgada käbir psihologlaryň özüne göwni ýetýär,

Chilim, suyji olar dalde, esasi oz ichin bilen urushup shony yenmekmika diyyan. Ozune erk etme guyjine baglyrak.

16 years ago

çilimi anyk taşlatýan ýol bilýäňizmi?!
bah bolupdyr. indi serik senem çilim çekip başlan bolsaň.
çilim taşlamak üçün güyjüň aydyşy yaly öz psihiki nervleriňi yeňmeli.çilim taşlamak üçün başga bir preparat ulanyp gaytam üstü-üstüne özüňe zyyan bolaymasa.

çilime öwrenşenler orazada nädyäkälerä, ýa allajan sen meni bagyşla naharsyz oňup bilýän çilimsiz oňup bilemok diýip super oraza tutyp ýörlermikä
agayunus aç gezmäni başaryan adam çilim çekmän oňup biler.hava köp adam günde 2 paket çekip yören birden taşlamak agyr degyar.olaň ellerem övrenşip giden her 5 min çilime uzanyp.köp adam şu remazan bayramdan peydalanyp taşlamak isleyaler.yöne bilmedimdä 10-dan 1 taşlayan bolaymasa çekmäni ya olam yokdur.meň özüm çekyan ,yöne 2-3 ayda bir gezek.olam içim gysan vagtym... turkmenistandakak esasan içgiden soň içilerdi.

16 years ago

cilim cekmegin hem peydasy bardyr, ony goyjak bolup yorman siz
cilimkesin oyine ogry girmez--hemise üsgürip gije yatmanson,
koceden gecende itler topulmaz--elinde tayagy bolanson,
olenden son, o dunya baranda müňkür-nekir sorag etmezmis. bula bir wagtlar olen birisi diyip (hor-arryk bolanson)
:):):)

16 years ago

bah bolupdyr. indi serik senem çilim çekip başlan bolsaň.

ýok! çilim indi meň aýagymdan çekip başlady!:P

özümi reklama atýän ýali bolmaýin welin günde bir paçkany gördümem edemmok :D:P
ýöne taşlamaly bir zat edibä, saglyga zyýan ola belli welin finans ýagdaýyňada zyýan.

hawo iň gowy ýoly özüňe erk edip bilmek, men o ýoly barladym, 10 çydadym, çilimsizlikden ýaňa çilim çekmäne bahana gözläp başlaýaň...
10 gün dolanda preziden stambula gelipdi, we köpden bäri görmedik dostlarymy görüp, metro citiňem mugt naharlaryndan iýip ýene çekmäge başlaýdymda!!!

meň erkimä çilimden ýeňilýär ekeni!!!

meň özüm çekyan ,yöne 2-3 ayda bir gezek.olam içim gysan vagtym

menem şeýdip başladymda, 1 aýda 1 paçka, paçkaň içindäki çilimleriň reňki saralyp gitýädi, indi bolsa paçkaň içindäki çilimler aňyry gitse 5-6 sagat güni görüp bilýär.

çilime öwrenşenler orazada nädyäkälerä, ýa allajan sen meni bagyşla naharsyz oňup bilýän çilimsiz oňup bilemok diýip super oraza tutyp ýörlermikä
aç admyň çilim çekesi gelmeýär, garny doýsa küýseýär!

garabekewul
gollawyň üçin sag bol :D

16 years ago

ceriumoxide!
bu yazjaklarym dine senin uchin dal, chilimi tashlamak isleyanlerin hemmesi uchin.
chilimi tashlajak bolsan oz dashyndan derman gozlemeli dal. hemme zady ozunde gozlemeli. gaty bir kynam dal. ynha ashakdaky shekilde tashlap bilersiniz:
1. chilimi tashlamagy hakykatdan, yurekden islemeli. munun uchin bolsa ozune yetik bir sebabin bolmaly.
2. on gunde 20 shtuk chekyan bolsan, indi 3 gunden(islege we talaba gora uytgap biler) birini kemeltmeli.
ynha gysgacha sheyle. kynam daldir gorsen!!!

16 years ago

chilimin duzuminde 4000 golay ziyanli madda bar oz ozuni oldurmek diyilyar chilim chekmage

16 years ago

başda mowzuga degişli Magtymguly atamyzdan goşgy goýaýyn:

ÇILIMKEŞ

Hak seni raýyňa goýmuş jahanda,
Ede bileniň et munda, çilimkeş!
Diwan gurlan güni hasap jaýynda,
Jowabyň nämedir anda, çilimkeş!

Kuwwatyň kemelder, güýjüň az durar,
Keýpi kellä gelse, aklyň azdyrar,
Süňňüňi syzdyrar, etiň gyzdyrar,
Bir nyşana budur sende, çilimkeş!

El götergin beýle nähak talaşdan,
Puluň köýer, içiň ýanar bu işden,
Erte garnyň doldurarlar ataşdan,
Zähmi çykmaz, galar janda, çilimkeş!

Iki dünýä ýagşylyk ýok egriýe,
Kişi bolsaň, gadam goýgul dogruýa,
Binamaza, gybatkeşe, ogruýa,
Ýoldaş bolar ýowuz günde çilimkeş.

Magtymguly, möwlam jandan ýakyndyr,
Çilim bir şor suwdur, ten bir zemindir,
Iman bir tilkidir, göwre bir hindir,
Tilki tüssä dözmez hinde, çilimkeş!

16 years ago

2-njisi:

ÇILIM

Dostlarym, duşman biliň, älemde bir bardyr çilim,
Eýle mahbup eýlemäň, bir gareti-jandyr çilim,
Suzlaban haly demi bir afgyýy-myrdar çilim,
Tartar uzyn kaýdyga, göýä ki zengardyr çilim,
Kaýda bolsa dowzahylar, bezmide bardyr çilim.

Tüşgeç ol mejlis era, her kim çeker, bimar eder,
Al bilen aldap seni her dem özige zar eder,
Sag-salamat goýmaýyn imdi özige ar eder,
Gol-aýagyn şel kylyp, halk içre any har eder,
Bu sypatlar birle ol, çekäň ki, betkärdir çilim.

Kah-kah eýläp her zaman ol, görseter bet hüýüni,
Burnuňyzga ysgaýyp, almaň oşol bet buýuny,
Eý, musulmanlar, halal diýp, kylmaňyz hiç oýuny,
Ahyrýetniň oýun etseň, tiz goýuň bu oýuny,
Ahyrýetniň oýun etmeselerge derkardyr çilim.

Her kişi hoş hal olupdyr jim-u lam, mim atyga,
Nige pikr etmes oşol kim bu pelitniňzatyga,
Mündürer göýä any her dem şeýatin atyga,
Syhr edip her dem any, tartar özüniň katyga,
Çünki betkärdir gözige daýyma bardyr çilim,

Gul-gul eýläp her säher ol, agzydan otlar saçar,
Her kişi akyl durar kim, beýle bet buýdan gaçar,
Kim any elge alar, göwsün anyň sary açar,
Ygtykat etse halal diýp, dini-yslamdan geçer,
Dini-yslamdan geçerge bir sebäpkärdir çilim.

Şeýle duşmandyr ki, taňla syryňyz paş eýleýip,
Wagty ýetmez solduryp, bu jismiňiz läş eýleýip,
Gaýgy-hasrat ýok ekende çeşmiňiz ýaş eýleýip,
Her zaman düýt ýuwduryp, hem öýkenňiz daş eýleýip,
Bary gapyl olmaňyzlar şeýle betkärdir çilim.

Eý, ýaranlar, nähý kylmyşdyr any bizge aht,
Pikir edip, zikr eýledi kim, halk era abdyssamat,
Tebdil etmek, nähý kylmak işini bizge ne het,
Kim ki müňkür bolsa, anyň aldyda bardyr lahat,
Aýdadyr Magtymguly, bu bendäge nardyr çilim.

16 years ago

soňkusy:

ÇILIM ÇEKMEGIL

Janyňa kast etme, düýdkeşim, özüň,
Haýypdyr janyňa, çilim çekmegil!
Pendim bu, roza tut, oky namazyň,
Haýypdyr janyňa, çilim çekmegil!

Çilimden ýylanlar düşer boýnuňa,
Agzyn açyp, haşlap girer goýnuňa,
Her zaman zäherni salar iniňe,
Haýypdyr janyňa, çilim çekmegil!

Tenleriň tisginip, andan gaçar sen,
Suwsuzlykdan zäher-zakgum içer sen,
İçim ýandy diýip, agzyň açar sen,
Haýypdyr janyňa, çilim çekmegil!

Ýylan aýdar: “Bu gün gaçar sen menden,
Ol hakyň emridir, aýrylman senden”,
Oşal wagtda bizar bolar sen andan,
Haýypdyr janyňa, çilim çekmegil!

Ýalançy dünýäde isteme wepa,
Ot iýmek bolarmyş bizowk-u sapa,
Düýdkeşler ummat däl diýdi Mustapa,
Haýypdyr janyňa, çilim çekmegil!

Bu dünýä panydyr, durmaýyn geçer,
Her kimse akyldyr, bil, andan gaçar,
Şeýtana ýol berme, imanyň öçer,
Haýypdyr janyňa, çilim çekmegil!

Amanat janyňa kylmagyl töhmet,
Sarpasy nedir, gel, sen imdi pähm et,
Magşar gün nä diýr sen, jowabyňny aýt,
Haýypdyr janyňa, çilim çekmegil!

İblise berme, ýuwtmagyl nary,
Gül diýip özüňe salmagyl hary,
Bigaýratlyk etme, saklagyl ary,
Haýypdyr janyňa, çilim çekmegil!

Terk eýle çilimi, dogry dur haka,
Her zaman toba diýp, tutgul sen ýaka,
Diýrlermiş, suw bermez düýdkeşe sakka,
Haýypdyr janyňa, çilim çekmegil!

İçdigiň zakkumdyr, iýdigiň otdur,
Bilmez sen, şeýtanlar kesbiňe şatdyr,
Bu gün hoşnud bolsaň, taňla heýhatdyr,
Haýypdyr janyňa, çilim çekmegil!

Bir sapar hatadan çekipdir Aly,
Seýl üçin sähraga çykypdyr weli,
Bir mesjidi görüp zerli-sapaly,
Haýypdyr janyňa, çilim çekmegil!

Mesjidi görüpdir ajaýyp zada,
Tomaşa eýleýip, girmiş pyýada,
Sütüni syýamyş, örtenmiş oda,
Haýypdyr janyňa, çilim çekmegil!

Oşol demde gaýdyp gelmiş resula,
Habaryn söýlemiş sahyp usula:
“Sütüni syýamyş nädir wusula?”
Haýypdyr janyňa, çilim çekmegil!

Resul aýdy: “Aly eşitdim sözüň,
Sypatyň, suratyň görüpdir gözüň,
Düýdkeşlik zyýandyr, eşitgil özüň,
Haýypdyr janyňa, çilim çekmegil!

Görüp sen mesjidi, turpa ýaranmyş,
Şeýtap saňa bu gün keýpi berenmiş,
Anyň üçin sütün oda bürenmiş,
Haýypdyr janyňa, çilim çekmegil!

Adamyň sütüni – bilgil, – imany,
Bu şeýtan mekriden saklagyl any,
Gapyl bolsaň ýakar, etme gümany,
Haýypdyr janyňa, çilim çekmegil”!

Şol pursatda Haýdar çykdy meýdana,
Gahr ile kast etdi lagyn-şeytana,
Şondan bäri şeýtan boldy pynhana,
Haýypdyr janyňa, çilim çekmegil!

Andan owwal şeýtan äşgär gezermiş,
Adam aldap, dinin beýle bozarmyş,
“Bissimilla!” diýseň, umyt üzermiş,
Haýypdyr janyňa, çilim çekmegil!

Magtymguly, pendiň illere söýle,
Öz halyň niçikdir bir pikir eýle,
Sapar kylmak lazym, azygyň eýle,
Haýypdyr janyňa, çilim çekmegil!

16 years ago

Magtymguly Pyragyň ýokardaky goşgularyny okamsoň, maňa aýdara zadam galanok bu babatda. Ýöne men gysgaça şeýle diýeýin:

Ilki bilen-ä çilimiň zyýanlarynyň barlygyny bilmeli ýa ýatlamaly, meselem:

1- maddy;
2- ruhy;
3- saglyk;
4- tebigy;
5- dini;
6- nesil we ş.m.

Soňam, şolaň hemmesiniň şanyna taşlajak bolmaly peýdaly usullar bn. Aslynda, internetden gözletseň, başga dillerde birnäçe sahypa tapylar-la peýdaly tärler üçin welin, men-ä gysgaça hoshowazyň ýazan 2 tärine goşulýan :)

Serik, taşla-how çilimi, ýene-de syna, bolmasa ýene-de syna.

16 years ago

Hä, men hem çekipdim çilim çagakam 15 köpüklik maý we radopy çilimlerden, ýöne örän gysga boldy, bilemok, 1 aýam dälmikä diýýän. Sebäbi, meň gatnaşýan dostlarymyň bary menden ulydy we çilim çekýädiler obaň gaýrasyndaky kanalda gizlenip, men hem olardan galmaly dälmikäm diýip çekäýipdirin-dä :)

Derrew goýanyma şükür, ýogsam Serdar ýaly kösenmeli bolardym :)

Menden kiçiräk maslahat: çilim küýselýän wagty, miwe ýa şoňa meňzeş tagamly ýa-da bolmasa başgarak peýdaly zatlary etmäge synanyşyň!

16 years ago

men bir tanshym shu yol bilen tashlady chilimi,gunde bir pachka chekyadi:

birinji gun 19 chilimi chekip,birinin tussesini dashyna ufledi;
ikinji gun 18 chilimi chekip,ikisinin tussesini dashyna ufledi...

shu yol bilen nikotinin dozasyny azaltdy ve chilim chekmesini butinley tashlap bildi;

yone elbetde,nadip tashlanda-da erkin bolmasa goyup bolasy yok;

16 years ago

azaldyp taşlamak kyn, onsuzam kellä işlänok üstesinede näçe çilim çekeniňi hasaplajak bolsaň bolýaram...

düýbünden kesmek gowy ýol, organizm belli bir wagtdan soň öwrenişýär emma adamyň durmuşynyň tempi üýtgemeli däldä, çala zada gynansaň, gaharlansaň ýada begenseň çilim çekesiň geliberýä!

ýöne bir serişde ulanmagam gowy bolarmyka diýýän, sebäbi adamda psihologiki ynanç döredermikä diýýän.
çilim küýsegi psihologiýada bagly, meselem bir çilim çekmegiň iň gyzykly ýeri başda ýakaňda çilimiň 2-3 santimetri, ondan soň çilimiň soňyna ýeteňde göwnüňe çilimden doýmadyk ýaly bolup ýene ýakasyň gelýär.
men bir ýol barladym, bir çilimiň ýarsyna geleňde söndürüp, galanyny soň çekseň az çekýäň, eger doly çekip gutarsaň onda psihologiki taýdan ýene talap etýäň!!!

16 years ago

Indi herkim cilimin nä derejelerde zyýanlydygyny bilyär.Tüssesiniň kanserojen bolyandygyny esitmeyan,bilmeyan galmady.Dine cilimin zyýanlary munyň bilen gutaranok,bir topar yürek we bagyr hassalygynada sebap bolar,damar gysylmagy felje cenli eltip biler.

çilim cekeniň oyüne ogry girmez sebäbi irdene cenli üsgürer

16 years ago

bilýän barmy, çilim çekmek günämi ýa-da ýok, ýagny mübahmy, mekruhmy, harammy?
Magtymguly çilim diýende başga çilimi (öňler çekilýän suw çilimi) göz öňünde tutupdyr diýýärler.

16 years ago

indi bizde magtymgulyn dowri yok

16 years ago

çilim çekmek, umuman, haram diýýäler Yslam alymlary. TÇ-de bolsa "haram güýjinde mekruh" diýilýärdi. Sebäbi, şol döwletdäki, hatda, biziň döwletimizdäki ynsanlaryň aňy/ýagdaýy "haram" diýmegi kabullanjak ýagdaýda däldi. Häzirem şeýleräkmikä diýýän men-ä!

Ýokarda haram diýilýäniniň käbir degişli sebäpleri ýazylan bolmaly delil hökmünde.

Uzak duruň-how çilimden :)

BIr surat bardy, şonda çilimi gutaryp barýan çilim çekip duran birini, çilimden çykýan tüsse bogup dur we şeýle diýýär:

"Sen meni gutarýaňmy ýa men seni?!"

Örän manyly, şeýle dälmi?!

16 years ago

bilýäs ki, arak içip, namaz okasaň kabul bolmaýar (40 gün geçýänçä);
çilim çekip okasaň, kabulmydyr.

16 years ago

seredip bir görüň, hany :)

16 years ago

bilýäs ki, arak içip, namaz okasaň kabul bolmaýar (40 gün geçýänçä);
çilim çekip okasaň, kabulmydyr.kombat | 2008-10-16 05:30:50

kim aýtdy "...arak içeňsoň, 40 gün geçýänçä namaz okasaňam kabul edilenok..." diýip?!

Kim aýdanam bolsa, galat aýdypdyr. Arak her ýagdaýda zyýanly bolany üçin, elbetde, haram we içilmeli däl. Ýöne säwlik/isleg bn içiläýen ýagdaýynda-da, namaz okap bolýar we kabul bolýar, ýöne mukdar taýdan sogapda örän azalma bolar.

Çilimiň hökmi aragyňky ýalymy ýa ýok - ony takyk biljek däl, ýöne ondanam uzak durmalydygyny welin takyk bilýärin!

Garaz, çilim çekýänem, çekmeýänem namaz okamaly, eger ahyretde halynyň gowy bolmagyny isleýän bolsa.

16 years ago

düşnükli. bir tanşym arak içseň namazyň kabul bolmaýar diýip, içmän ýördi, muny aýdaýsam azyrakdan içäýmegi mümkin.

16 years ago

temany gaýtadan ýüze çykarýan.

16 years ago

çilimi taşlamak gowy zat welin yöne bolonok, ''bir zada gynan ya-da gaharlan çilim çekmeden dur bakaly Didar''men'a çilimi taşlap bilmejegime gowy göz yetirdim! bir günde azyndan 7-8 çilim çekmesem günümem geçmezmika diyyan!!!

16 years ago

çilim yaly özüne bendi etyan zatlan hiçisam peydaly dal öytyan, gowy zatlarda "öwrenişmek"(alışkanlık) bolanok öytyan

16 years ago

men'a çilimi taşlap bilmejegime gowy göz yetirdim!
gepiň tümmegi öz-özüňe ynam yokda taşlajagyňa.
men ilki çilimi 5 yaşymda övrendim.yanymyzda demir yol bardy şol yerde elmydama vagonlar üyşüp durardy,bizem näme köçäň çagalary bolup üyşüp şol yerde çilim çekerdik,ahyr soňy bir gün goňşular gördü çilim çekip duranymy,olaram elbetde ejeme aytdylar.ay ondan soň oňatja oklak geçdik.şondana soň çilim bn kän iş çalyşamzok.bir tarapdan sport bn meşgullanam soň,saglyga kän zyyany köp zyyany boldugu üçünem çekelenok.
çilimede, her kim özüçe baha beryar.meň üçün diňe saglyga dälde finans yagdayada zyyanlygy üçün(beydiyenim bn ,çilim çekyan agzalarymyza bay diydigim däldir-hov).

16 years ago

bagyşlaň bu mowzuk boýunça häzirlikçe aýtjak zadym ýok.

16 years ago

bir tanşym arak içseň namazyň kabul bolmaýar diýip, içmän ýördi, muny aýdaýsam azyrakdan içäýmegi mümkin.

bilip eden bilen, bilmän edeniň hasaby bir bolmaz. Namaza başlan biriniň araga meýli, elbetde, gowy däl. Şol dostuň içmezligi üçin maglumatlar bermek gerek.

Meň ýazanym "arak içiber, barybir, namazyň kabul bolýar" diýen manyda düşünjek bolmaly däl, ýöne başlan birisiniň arak bahanasy bnnamazy taşlajak bolmagynyň bolmaýanyny düşündirjek boldum.

Şunam aýdaýyn, jezasyna kaýyl bolýan bolsa we öz erki bn içjek bolsa, onda ony hiç kimem saklap bilmez, gizlin ýa görkezip içip biler, elbetde!

16 years ago

hawa, ol düşnüklile, ýöne adam bir çig süýt emensoň, şol çykalga gözläp ýördä.

16 years ago

5 barmagyn den bolmayshy yaly Turkmenlerinem hemmesi den bolmaz, diymek yazanyna gora yetishyan eken, onup osen yer, dost, mashgala, shertler we sh.m. zatlaryn tasirini ozun hem bilyansindir. In azyndan menin 2 doganym we kakam cilim we arak bn aralary gowy, elbetde getiryan durli ziyanlaryny bilseler, ayratynam beyleki tarapy ucin, elbetde, goyarlar diyip pikir edyarin, yone in kicileri men bolamson, kan dinlanoklar, Biribar komek etsin-da! Olar gaytam meni aralaryna goshjak bolyalar.

Diymek kabir yash nesli hem shu yagdayda gorse bolar, olar ucin bolsa, Biribar yureklerine gozellik meyli goysun diyip dileg edaymesek, ya melek sypat gyzoglan joralary/dostlary bolsun we olaryn tasirinde galsyn diyaymesen.

16 years ago

SiGARAYI BIRAKMANIN KOLAY YOLU - ALLEN CARR

The Easy Way to Stop Smoking - Allen Carr

şu kitaby maslaha-da beryaler, okamadym welin umaman kitapda nikotin, saglyk, psihologiki taydan ele alynya öytyan mesele, bu kitabam çare dal-da kömekçi hökmünde ulanmagy masalahat beryaler, taşlanam barmyşyn şunyn peydasy bn

15 years ago

oylanma hakyky dos shu goshgyna irden dushugimdenem galasym gelenok shu awulygym bolmasa

15 years ago

aý, gel-aý, men şu ýeri hem aktiw edip goýbereýin. Sebäbinem aýdaýyn:

Ýaňy "jyk" adynda täze bir agzamyz "çilimiň zyýanlary" ady bn täze mowzuk açan ekeni, men hem oňa:

mowzuk açmankaň, şu talyplar sahypasynyň gözleg aýratynlygy bar baş sahypda ýokarsa sagda, şol ýere mowzugyň bn baglanşykly söz ýazyp, gözledip görseň, onda degişli mowzuk bolsa çykar bir ýa birnäçe netije. Meselem, sen "çilim" diýip ýazyp, gözleden bolsaň, onda 5-6 sany mowzuk görerdiň azyndan. Ynha, saňa çilim çekmek we zyýanlary barada birnäçe mowzuk. Aýratynam, Serdaryň açan çilimi taşlamak atly mowzugy örän giňişleýin maglumatlara eýe bolmaly bu babatda!

Garaz, ilki gözleg aýratynlygy/motory arkaly gözleg geçirseň amatly-da mowzuk açmakaň. Şu wagtam seň mowzugyňa jogap bazýanlar azdyr, sebäbi, ýokardaky ýazanlarym.

Göwnüňe alma diýenlerimi. Meňki 1 maslahatdyr köne agza hökmünde.

diýip, bärini salgy beripdim.

Ynha-da, çilim barada iň gowy mowzuklardan biri. Okaň we peýdalanyň, hatda, goşandam goşuň :)

Teswir ýazmak üçin Içeri gir→