Saglyk baýlykdyr!

Dana sargytlaryň ezeli — saglyk,
Bagtyýar durmuşyň bezegi — saglyk.
Saglygy gül ömrüň seçegi saýyp,
Ýaşamak — bu durmuş ýörelgämizdir.

Elleri ýygy ýuw, arassa sakla,
Tämizlige uýsaň, bolmarsyň hassa.
Sport ýoldaş bolsun, ruhuň arassa,
Çünki sagdyn durmuş ýörelgämizdir.

Üzärlik tütet-de, dümewden açyl,
Burçluja unaş iç, her dertden gutul.
Sportuň peýdasyn unutma asyl,
Çünki sagdyn durmuş ýörelgämizdir.

Endige öwrülip, sporty söýmek,
Ömür ak süýt bolsa, saglygyň — gaýmak,
Diýýäris: «Saglykdyr iň uly baýlyk»,
Çünki sagdyn durmuş ýörelgämizdir.

Amansoltan ALTYÝEWA,
Bereket etrabyndaky
3-nji orta mekdebiň okuwçysy.