1
Gündiz derdin çekip ile bildirman
Gijeler gark bolýan ýaşa seň üçin
Hergiz göwün berip , gözüm güldürmen
Bakman özge galam gaşa seň üçin
2
Dünýäň bir künjünde seni goýsalar
Pyýadalap alyp gelgin diýseler
Eneň ataň şonda razy bolsalar
Giderin ondanam daşa seň üçin
3
Seni saýladym men bahar ýazlardan
Tarypyň ýetirip aýdym - sazlardan
Gorap tagna sözden , ýaman gözlerden
Uraryn özümi daşa seň üçin

4
Garaňky ýollarda sen meniň aýym
Belki ykbalymsyň , belki-de paýym
Gitdigiçe söýgim artyp günsaýyn
Sygmaz gursagyma döşe seň üçin

5
Men saňa aýdaýyn unutma şunam
Bilýän hossarlaryňa gereksiň senem
Ýöne seni söýüp ýaşaýan menem
Şonuň üçin ýaşa , ýaşa meň üçin