Гaрaшсызлык бизе багт берди. Хер бир түркмен оҗагы багтыяр дөвлетли болды. Совет империясының дөврүнде тозап ятан обадыр этрапларымыз багтыярлык дөврүнде шәхер билен бәслешйәр. Бизиң Мары этрабымызың хем обаларының яшайыш дереҗелери ёкарланып, таналмаз дереҗеде өзгерди. Этрабың чәгинде тәзе дөвребап обалар дөрейәр. Шу гүнки гүнде озалкы чәге сырап ятан чөллүкде тәзе гурулян «җемгыет» шәхерчесини гөрмәге гөз герек. Бу ерде бина эдилйән яшайыш җайлары, орта мекдеп, саглык өйи, чагалар баглары ве бейлеки эдара җайлары тәзе шәхерчә гөрк берйәр. Басым бу ерлерде тәзе яшайыш башланар, йүзлерче адамлар үчин иш орунлары дөрәр. Әхли обаларда меллек ерлериң бөлүнип берилмеги билен этрабың адамларының мүңлерчеси тәзе җайлара гөчүп барып, җай тойларыны тутарлар, маллы-мүлкли боларлар. Тәзе дөредилйән көчелере сув ве газ гечирилер чекилип, электрик тогы билен үпҗүн эдилди. Шейле эшретлериң хөзүрини гөрүп яшаян адамларың бегенҗиниң чәги ёк. Шунуң ялы гувандырыҗы мысаллар санардар кән. Этрабың чәгинде 350 орунлык спорт мекдеби, Пешаналы шәхерчесинде 1500 орунлык спорт десгасы гурлуп уланылмага берилди. Хәзирки вагтда бу десгаларда яшлара спортуң көп гөрнүшлери боюнча тәлим берилйәр. Этрапда сагдын беденли яшлар өсүп йетишйәр. Этрабың яшайҗыларының көпүси өзлериниң ишден бош вагтларыны бу ерде спорт билен мешгулланып, дынч алярлар. Эдил шу ерде тәзеликде 200 орунлык тәзе медениет өйи хем ачылды. Онда этрабың яшларының айдым-саз сунгатына ве шекиллендириш сунгатына болан хөвеслерини өсдүрмек үчин әхли мүмкинчиликлер бар. Бу ерде гечирилйән айдым-сазлы дабаралар адамлара рухы-леззет берйәр. Мундан башга-да этрабың «Яш ялкым» обасында тәзе мекдеп, чагалар багы, саглык өйи, Мыкгы Лорсы обасында мүң орунлык мекдеп, «Азатлык» обасында бир мекдеп ве 160 орунлык чагалар багы гурулды. Бу уланылмага берлен биналарың хеммеси хәзирки заманың өсен окув техники серишделери, интерактив, мултимедия тагталары, лингафон, компьютер энҗамлары билен долы үпҗүн эдилен. Оларда өсүп гелйән яш несиллеримизе дурнуклы билим ве тербие берилйәр. Этрабымызың яшайҗылары багтыярлык заманамызың халкымыза эчилен эшретли гүнлерине гуванып яшаярлар ве хала зәхмет чекип, өз чекен зәхметлериниң рехнедини гөрйәрлер.