1958-nji ýylda Bobbi Fişer dünýäniň iň ýaş grossmeýsteri diýen ada eýelik edipdir. Konserwotoriýa giren iň körpeje sazandanyň kimdigini bilýäňizmi? Baltimor şäherindäki konserwotoriýa kabul edilen mahaly Tori Amosyň bary ýogy 5 ýaşy bar eken. Wolfgang Mosart diýseň ýatkeş bolupdyr. Ol islendik saz eserini heniz 4 ýaşyndaka ýarym sagatda ýat tutupdyr. Tanymal komediýa aktýory Jon Kliziň 12 ýaşynda boýunyň uzynlygy 180 santimetre ýetipdir. Jaz sazlaryny ýerine ýetiriji Mel Torm 4 ýaşynda sahna çykypdyr. Şonda ol 《Coon Sanders Nighawks Orkhestrs》toparynyň düzüminde çykyş edipdir. Wunderkind Uilýam Sidis 1909-njy ýylda Garward uniwersitetine okuwa giripdir. Şonda ol 11 ýaşynda eken. Dünýä belli golfçy Taýger Wuds ýaňy 11 aýlykka ilkinji gezek eline golf taýajygyny alypdyr. Golfçy zenan Katerin Hepborn bu oýny 5 ýaşyndaka oýnap başlapdyr.