Söýdüm gözelini gadym Ahalyň, Aramyzda duşman baryn bilmedim. Ony söýüp serden geçen mahalym, Ahrynda puşman baryn bilmedim. "Men köňli yşkdan doly aşykdym" çynym bilen söýdüm, soňun saýmadym. Gije gündiz halys hetden aşypdym, Ýürekde barymy oňa paýladym. Men bir misli ýalňyz irmezek awçy, Umydym üzmedim çaldym yzyny. Türkmençilik etdim, ýolladym sawçy, Bir enesi goldanmyşyn gyzyny. Birbada razylyk berdiler, ýöne, Nadan pelek eziz göwnüm ýykdy meň. Gadymy, Müdümi, türkmeniň köne, Düşünjesi maňlaýymdan çykdy meň! Agalaryň bize çykdylar garşy, Men bir bagra dartdym, Meň çeken nalam- gögi gümmürdetdi, sarsdyrdy arşy, eý Hudaý, şeýlemi kysmaty balaň?! Dowam edýär gamly söýgiň beýany, Men aklym ýitirdim dara-direde. Manysyz bir boşluk ömrüň bu ýany, Nadan pelek! Şepagatyň nirede!?