_________ata köpek mergen_________ bolsa gerekdir düyä ganat cykyp asmana uçsa, pil hem göge hyýal etse gerekdir. pyşdyl keýik bolup daglara çyksa, gulanlar ýurdundan göçse gerekdir. tilki mekirligin düybünden goýsa, goýunlar möjege ynanar eýse, eşek selle ulanyp mele don geýse, eddil welin işan bolsa gerekdir. alakalar goysa ýorunja kertmesin, garynjalar goýsa däne tartmasyn, towuklar şagaldan goýsa ürkmesin, dünyä parahatlyk bolsa gerekdir. towşanyň gulagy gawyz(paşşyk) bolmasa, görende aw guşdan toba almasa, bu dünyä gelenler asyl ölmese, ölenler öykeläp gelse gerekdir. yelenkewut(düşdüş) torun yygnap bükdürse, üstünde suw tutup ekin ekdirse, düye haly dokap eşek dükdürse, haly bir kopüge gelse gerekdir. bürede göz bolsa dünyäni gorse, gurbaga bökmese ädimläp yörse, eşek käbä gidip beytylla(?) barsa, sygyr syrdam yigit bolsa gerekdir. ýylan uzyn bolman togolak bolsa, gerşi süýnlek bolman tegelek bolsa, üstünde bir un bilen bir elek bolsa, üstünde un eläp bolsa gerekdir. hažžyk nirýaglygyny(?) ýene başlasa, suwulgan tam tapsa haýdap işlese, geçi adam depip goýun dişlese, gassaplar jaýtarlyp gaçsa gerekdir. hywadan suw gelse hakbara( yaplara) akyp, iki aksakgal ýatsa bir-birine bakyp, aýal sakgallasa hemde murt cykyp, erkekler göwreli bolsa gerekdir. bir gelin bir gyza hak aşyk bolsa, gylyç dogry bolsa ok gyşyk bolsa, bir sirke bir pilden has ciçik bolsa, bitler namys edip ölse gerekdir. öküz tüýdük çalsa piller irkilse, pyşbaga tüýlese zemzen gyrkylsa, dünyäde towşandan gaty gorkulsa, geçiguş hityrlyk etse gerekdir. torsuga dil bitse garsak geplese, ýere künji sepseň piller çöplese, guş çagasyn süýt emdirip eklese, garga saýrap bilbil bolsa gerekdir. serceler semrese batmana ýetse, garagumda gülläp şalylar bitse, bökölek her demde bir adam ýuwutsa, sygyrlar jykyrdap gülse gerekdir. ataköpek aýdar şeyle bolaýsa, oýun edip aýdanym çyna geläýse, ilem ya “şu geljegi bilyär” diýäýse, bar onsoň maňa bir selle gerekdir.