Bes indi, ýalbarýan, janym, bes indi, düshündim baryna, nokat goý söze, öñem bu hakykat - otly kesindi, az tagma basmandy ýüreklermize. Ýatlamadan hich bir göwün gönenmez, senem öchen ody ölcherme beýdip. Barybir, o günler dolanyp gelmez, gelmez gechen günler yzyna gaýdyp. Ol ädimem... Wah, shol ädim gurasyn, ondan ýaña almytymy aldym men. Bilýänsiñ, gündizler ýoluñ gorasam, gijeler öýñüze garawuldym men. Derýañ aýry kenarynda däldik biz, bir ädim galypdy saña ýetmäge. Ýöne welin meñ gaýratym chatmandy, chatmandy shol bir ädimi ätmäge. Gutulýancham ýaýdanjañlyk derdinden, meni gijä galdyrypdyr bäsdeshim. Toýa chagyrlypdym bir günem irden, duman örtüpdi meñ töwerek-dashym. Shonda-da barypdym... Seniñ toý günüñ, meñem umytlarmyñ jaýlanan güni, bolmasa-da gara gözleñde müýnüñ, okapdym olaryñ gizlin syryny. Okapdym: "agzyña mäkäm gulp urgun, ýaýdangyn" - gyjalat berýärdi olar. Bu gün bolsa sypap gyzyñ gulpagyn, dökýärsiñ ýüregñi, achylýar syrlar. Senem garashypsyñ meñ shol ädimme, bir söz eshitmegiñ chekipsiñ zaryn. Goý, sen-ä saklanmysh gyzlyk haýasy, men erkek ahyryn, erkek ahyryn... Gel, gowsy, gecheni gechdi bileli, menem bu zatlaryñ undup barysyn, shol birje ädimiñ gurbany bolan ilkinji söýginiñ tutaýyn ýasyn. Senem gyzyñ sachyn sypalap her dem, unut o günleri, wagt barka shindi. Wepat bolan arzuwlara jan biýrden gich indi, gich indi, juda gich indi!