Bir owadan güle duşdum, Gözleri sünbüle duşdum, Ajaýyp sülgüne duşdum, Dili şeker bilbile duşdum. Kalbymdan oña niýetläp, Betjesinden goşgy goşdum. Joşdum telwas köñlümi Para-para yşga düşdüm. Düşdüm, ne güne düşdüm, Telbe deý düñle düşdüm. Ady gazal, jady gözel, Söýgi diýen köñle düşdüm. Towlam-towlam saçyñ gördüm, Hyýalymda çöşläp ördüm, Messan-messan ýöreýşiñi Gördüm beter, haýran düşdüm. Gaýma ýaly gaşlaryñ, Guýma ýaly dişleriñ, Ýigrimije ýaşlaryñ Ýaş wagtym, girýan düşdüm. Otdan aldyñ, suwa atdyñ, Däli etdiñ, guma atdyñ, Kararym ýok, gama batdym, Ýatlap-ýatlap, hijran düşdüm. Uz bakyşyñ, seredişiñ, Gash kakyşyñ, eredişiñ, Ýüregimde ýer edişiñ, Söýdüm beter, herýan düşdüm. Assa gülşüñ, kyssa durşuñ, Gözüm düşse, alar huşum, Menden başga ýokmy işiñ, Ýandym-bişdim, arman düşdüm. Gashyñ keman, ýaşyñ juwan, Başym gurban, gözel jenan, Yşk peýkamyn maña çenän, Parran deşdiñ, weýran düşdüm. Awçy bolduñ, menem awyñ, Çenäp atdyñ yşk alawyn, Çekebilmen oñ awusyn, Ýara goýduñ, hassa düşdüm. Ýenede sen dermanym, Äkitme, äber janym, Arzymy diñläý hanym, Ýesir boldum, gula düşdüm. Şir-peleñdim, erklidim, Ekdi boldum, ele düşdüm. Ner-pereñdim, örklüdim, Ökde bolduñ, gola düshdüm. Ýegenjandan habar al, Hassa boldum, gaýra düşdüm. Ýazanjamdan many al, Gussa doldum, aýra düşdüm.