Ilkinji söýgümi äkitdi ýyllar, Men ony ýatlaýan güneş doganda. Ýatlaýan bossanda açylsa güller, Gül ysyn ýaýradyp atyr saçanda. Aý-aýdyň gijeler akar boýunda, Häzirem garaşýan wadaly ýerde. Ýary taşlap ýarsyz barsam kenara, Tolkunlar "näzli ýar nirde?" diýerler. Arzuwymda adyň aýdym bolsa-da, Indi saňa ýar diýmäge çakym ýok. Syrly bolup galsyn syrly gijeler, Ony ile duýdurmaga hakym ýok. Ýaşlykdan joş urup aýdan aýdymym, Häzirem gaýtalaýar säher şemaly. Ýary ýatlap baksam aýly asmana, Jemalyň ýatlatýar aýyň jemalyn. Aldanyp özgäniň mekir-alyna, Sen bolduň söýgümi ýalňyz goýan, ýar! Säherler ýaldyrap güneş doganda, Meni süýji arzuw bilen oýarýar!