Salam hormatly agzalar we myhmanlar! Köpden bäri tema açamok, bu günki açan temamy doly anyk maglumatyna ýetip acmadym, shonuñ üçin öz aramyzda pikir alyshyp bileris! :-) 24-30-njy aprelde Russiýanyň Moskwa şäherinde geçirilen 45-nji Mendeleýew halkara olimpiadasynda ýurdumyzyň ýaş himik­leri öz başarnyklaryny görkezdi­ler. Bu halkara bäsleşige 15 döw­letden 96 okuwçy gatnaşdy. Bu halkara bäsleşikde ýurdumyza wekilçilik eden “Başkent” türk­men-türk mekdebiniň 10-njy synp okuwçysy Eziz Kuliýew bi­len şol mekdebiň 9-njy synp okuwçysy Yklym Bolmämme­dow bürünç medallaryň eýeleri boldular. 45-nji gezek geçirilen Halkara Mendeleýew Himiýa Olimpiadasy­na ýurdumyzdan jemi 3 okuwçy gatnaşdy. Olimpiada toparyna Magtymguly adyndaky türkmen döwlet uniwersitetiniň uly mu­gallymy Mämmetmyrat Geldiniýa­zow we “Başkent” türkmen-türk mekdebiniň mugallymy Perman Rozyýew ýolbaşçylyk etdiler. Olimpiada Moskwanyň M.W Lomonosow adyndaky döwlet uniwersitetinde geçirildi. Her ýyl dünýäniň dürli ýurtlarynda geçirilýän bu bäsleşik 2009- njy ýylda ýurdumyzyň paýtagty Aşgabatda geçirilipdi. Ol bäsleşik­ de türkmen ýaşlary iň köp baýra­ga mynasyp bolmagy başarypdy­ lar. Ýaşlarymyz köp ýyllardan bäri bu bäsleşige yzygiderli gatnaşyp gelýärler, öz başarnyklaryny görkezýärler. Ýaşlarymyzyñ her ýyl geçirilen şeýle halkara derejesindäki olimpiadadan baýrakly dolanmaklary bolsa aýratyn bellärliklidir.