Adam ogly, pelek seniň Bir gün donuň biçer gider! Saňa urar hanjaryny, Jellat ganyň saçar gider! Gezme dünýä meýl edip, Bihuda ýerde seýl edip, Öňki gonanlaryň ötüp, Göz açynçaň geçer gider. Ölseň, seni kimiň ýatlar, Haýkyr galar bedew atlar, Any münen goç ýigitler Gara toprak guçar gider. Dünýäniň soňy bibatdyr, Binamazyň jaýy otdur, Ölüm bir ajy şerbetdir, Her kim andan içer gider. Köňül aýdadyr: ölmeseň, Lahatda tenha galmasaň, Eýäňe dogry bolmasaň – Içýan senden gaçar gider. Magtymguly, bu ne jaýdyr, Ajap bir kerwensaraýdyr, Dünýä bir loly heleýdir, Bir gün seni guçar gider.