Bir obada bir owadan ýigit ýaşapdyr.Onuň görküne tokaýdaky haýwanlaram,güllerem hat-da özem öz görküne aşykmyş.Ol her gün irden öz keşbini görmek üçin tokaýyň içi bilen çeşmä baryp,onuň başynda irdenden tä iňrik garalýança oturyp,öz keşbine sereder eken. Günlerde bir gün bu ýigidem ýagty jahan bilen hoşlaşanmyş.Tutuş tokaý ýas tutupdyr, hat-da çeşmejigem gaýgylanyp,çalajadan akýarmyş.Muny gören tokaý haýwanlary-da, güllerem ýerli-ýerden: -Sen nämä aglaýarsyň,biz-ä ony ylgap barýarka zordan görüp ýetişýärdik,ýöne seň başyňda welin,ol uzakly gün oturýardy. Aýtsana,ol gaty owadanmy? diýip sorapdyrlar.Onda çeşme: -Bilmedim.Hemmeler haýran galyp,içlerini çekipdirler: - O nähili bilmedim.Onda näme üçin sen beýle gaýgylanýaň? -çünki,men onuň gözlerinde öz keşbimi görýärdim.Indi bolsa görüp bilemok,şonuň üçin gaýga batýan.