Birnäçe yrymlaryñ manysyny hiç bir düshündirmesiz hem añmak bolýar. Ýöne "Gelin getirilende garhsysynda ýyldyz bolsa, gelen öýüne aýagy düshmeýär" diýen yrymyñ manysyny bilmek, olaryñ talaplaryny berjaý etmek añsat däl. Sebäbi garshyñda ýyldyz bar-ýoguny bilmek üçin, onuñ haýsy ýyldyzdygyny, haçan haýsy tarapdan dogýandygyny, onuñ toý-niýet edilen güni nirededigini bilmek köp halatda kynçylyk döredýär. Ine shonuñ üçinem bu hasaby nädip çykarmalydygy barada gysgaça gürrüñ bermegi makul bildim. Eýsem, ol "lagnaty-ýyldyz" diýilýän ýyldyzyñ haýsy gün nirededigini nädip bilmeli? Muny bilmek isleýän adam, jaýyñ ortarasynda oturmaly. Shonda onuñ çep egni jaýyñ gündogardaky burçuna bakmaly. Türkmen aýynyñ 1-ri (biri) güni "lagnaty-ýyldyz" shol burçdadyr. Aýyñ ikisinde ol gabat garshyñdaky diwar tarapda, üçüne sag taýky burçda, dördüne gapdal diwar tarapda, bäshine yzky burçda, altysyna yzky diwarda, ýedisine beýleki burçda, sekizine-de ýene-de çep gapdalky diwar tarapdadyr. Aýyñ dokuzynda ýyldyz ýerde, onunda hem asmanda bolmaly. Türkmen aýynyñ 9. 19. 29 günleri ýyldyz ýerde bolany üçin, iñ bir bisähet günler hasaplanýar. Shol gün toý tutulyp, gelin getirilmändir. Bashga günlerde ýyldyz alnyñda bolmasa gelin getirmek bolýan eken. Aýyñ 10. 20. 30 güni ýyldyz asmanda, ol gün adama zowalsyz hasaplanypdyr.