Hormatly talyplar we talyp däller! Menä okadym, sizem okap görüñ... Ene-atanyň jogapkärçilikleriniň birem, özbaşdak hereket edip bilen, özüne ynamly, jogapkärçiliklerini ýerine ýetirýän, säwliklerden netije çykarýan perzentleri ýetişdirmekden ybaratdyr. Maşgala janly ulgam ýalydyr. Maşgalanyň janly ulgamynyň netijeli işjeňligi üçin ulgamyň düzümindäkileriň deňligi, deň derejede bolmagy, deňlikde hereket etmegi zerurdyr. Ene-ata maşgalada her näçe işjeň we birlikde hereket etse, netijeli, sagdyn maşgala üçin zerur bolan içerki düzgün-nyzamam ýerbe-ýer bolar. Çaganyň özüne ynamy güýçli bolmaly Ene-atanyň jogapkärçilikleriniň birem, özbaşdak here­ ket edip bilen, özüne ynamly, jogapkärçiliklerini ýerine ýetirýän, säwlikler­ den netije çykarýan perzentleri ýetişdirmekden ybaratdyr. Şunuň bilen birlikde, özüne ynamly şahsyýetiň ýetişmegi üçin belli bir düzgün-nyzamyň amala aşyrylmagy wajypdyr. Kesgitli çäkleri çyzylan, zor salmaýan düzgün-tertipde terbiýe alan çaganyň özüne ynamy güýçli bolýar, sebäbi şeýle çaga kämilleşmek üçin-de zerur bolan şertleriň bardygyna göz ýetirýär. Bitarap ýol tapmaly Çagany terbiýelemekde ene-atanyň garaýyşlary dürli-dürli bolup biler. Şeýle halatda ene-atanyň özara maslahatlaşyp, netije çykaryp, iki tarapyda ylalaşdyrýan jogaby tapmagy ilkinji mesele bolup durýar. Çaganyň ýatýan wagty, düzgün-tertipli iýmitlenme, ders sagatlary, köpçülikde bolmagy ýaly meselelerde ene-ata dogry, anyk we bitarap ýol tapmaly­ dyr. Anyk jogap bermeli Mälim bolşy ýaly, bilesigelijilik bilen ynsanyň çagalyk döwründe öwrenýän, göz ýetirýän, bilýän, anygyna ýetýän zady sanardan köp bolsa gerek. Sebäbi, çaga ozal görmedik zadyny görende täsin, geň galdyryjy wakany başdan geçirýär. Eger çaga 1,5 ýaşyny aşan bolsa “Bu näme?”, “Nädip?” diýen ýaly soraglary berip başlaýar. Şonda oňa mümkin boldugyça takyk jogap berilmelidir. Tehnologiýanyň jemgyýete berk ornaşmagy bilen birlikde çagalar üçin niýetlenen oýunlar, kompýuter oýunlary hem köpeldi. Şol sebäpdenem, ene-atalar çaganyň oýun sagatlaryny hem düzgün-nyzamyň çäklerinde goýmalydyr. Çünki, çaga oýunlardan, oýunlardaky wakalardan, kompýuter oýunlaryndan birnäçe zat öwrenip bilýär. Şeýle-de, çagadaky oýun endigi onuň durmuşynda hemişelik galyp bilýär. Şeýle ýagdaý gönüden-göni wagt tygşytsyzlygyna eltýär. "zaman" gazetinden