Gül ýüzüňi görjekdim,
Geçip gitdiň howlugyp,
Galdym yzyňdan garap,
Umydyma höwrügip,
Atdanlykda,
Duýdansyz,
Degdimmikäm göwnüňe?
Ne beýle sowuk sala,
Näme geldi göwnüňe?

Ýa gabanyp illerden,
Synlaýaňmy ilerden,
Men-ä goranjak bolup,
Gybatlardan, dillerden,
Gara geljek adyma,
Kir-kimirli sözlerden,
Betniýetli gözlerden.
Duwlanýaryn duluma.
Şonda-da, men biçäre,
Garaşdym seň ýoluňa,
Görmedik bolup gitdiň,
Ýüzüň sowup, soluňa,

Undan bolsaň, sen meni,
Edersiň bileniňi,
Ýöne welin, bir zady
Belläp goýgun ýadyňa!

Hä ide, hä ideme,
Ederin aladaňy,
Şonda-da garamasaň,
Halymy soramasaň,
Men ýanaryn lowurdap,
Goýup giden oduňa.

Bilip bolmaz pelek iş,
Görüşsek, görüşmesek,
Her hal menli günleriň,
Düşüp dursun ýadyňa!