Gözleme duşmany daş bir ýerlerden,
Özüňki öňüňde keserlip durka.
Gözleme gülýäni seniň üstüňden,
Özüňki kikirdäp kemsidip ýörkä.

Gözleme göribi uzak bir ýerden,
Gowja seret, belki saňa ýakyndyr.
Gözleme wepasyz alys bir ýerden,
Gowja ýatla, ol seň kalbyň ýakandyr.

Haçan-da sen beýge galjak bolaňda,
Aýagyňdan demir zynjyry salar.
Şeýle ýamanlygy näçe etsede,
Ne-hä abraý alar, ne-de beýgeler.

Düzelmez ol, düzeltmezem özüni,
Ýykylaňda güldürer ol gözüni,
Seň ýanyňda gowy görünen bolar,
Görkezmez ol öz ikinji ýüzüni.

Duşmanam,
göribem,
hemmesem bir zat.
Ederler ikisem ýamanlyk baryn.
Sen diňe sabyr et, üns bermänräk gez,
Wagty gelse sabryň alar öz aryn.

Rahymberdi
Suhanow