Başarsaň adamyň göwnüne degme,
Gowy diý eger şol erbedem bolsa.
Salamyňy kesme almasada ber,
Ol gedem bolsada sen gedem bolma.

Ilki salam bergin namys etmegin,
Ýa hasap etmegin kiçelýän diýip.
Bir meýlisde aýtdy ýaşulylaň biri,
Salam bergin günäň geçilýär diýip.

Ýa bir üýşmeleňde toýda tomada,
Gyz ýalyla diýer biri içmeseň.
Gyz diýmek enedir hiç gepe gitme,
Heleý diýselerde içgi içmegin.

Halamaýan zadym ýigrenýän zadym,
Heleý diýip kiçeltseler zenany.
Aýtsana öýmizde berýän kim bize,
Naharlary,çaýy hem bize nany.

Aýaly urmasaň gaty gider ol,
Diýýänlerem bardyr gulak gawartma.
Beýle adamlaryň maksadyn bilýän,
Bir gül ýaly maşgalany dagytmak.

Üns berme heleý gulam diýerler,
Üns berseň olar duzagna salar.
Ýan ýoldaşyň bilen agzybirje bol,
Bar zatlar düzeler rysgyňam galar.