Garyşyk söweş sungatynyň türkmenistanly wekili Döwletjan Ýagşymyradow Bellatordaky ilkinji söweşini amerikaly Kori Andersona garşy geçirer. Bu tutluşyk 2021-nji ýylyň 9-njy aprelinde Bellator 256 ýaryşynyň çäginde bolar diýip, MMA Junkie habar berýär.
Ýarym agyr agram derejesinde çykyş edýän Döwletjan Ýagşymyradow (18-5) 2020-nji ýylyň dekabrynda Bellator promouşeni bilen şertnama baglaşdy. Bu şertnamada iki söweş göz öňünde tutulypdy.
Döwletjan özüniň soňky söweşini 2019-njy ýylyň dekabrynda ACA ligasynda geçirip, eminleriň karary bilen russiýaly Alekseý Butorini ýeňdi we ikinji gezek çempionlyk adyny gorady. Ildeşimiziň bassyr sekiz gezek bäri yzly-yzyna ýeňiş gazanyp gelýändigini bellemek gerek.
Döwletjanyň Bellatordaky ilkinji garşydaşy 31 ýaşly Kori Anderson 2013-nji ýyldan bäri professional derejede çykyş edip gelýär. Ol, esasanam, UFC-däki çykyşlary bilen, şeýle hem The Ultimate Fighter realiti-şounyň 19-njy möwsüminiň ýeňijisidigi bilen tanalýar.
Döwletjan Ýagşymyradow Bellatorda Kori Anderson bilen tutluşar
-
Nol
3 years ago
- Kori Anderson daýawrak eken Ýagşydan, 10 sm hem uzynrak. Elinde uly güýç bar diýäler, eli hakykam uly tebigy taýdan. Amerikan, afroamerikan, ýagny garaýagyz. Ýaşlary deňräk eken.
Bu söweş Ýagşa aňsat düşmese gerek. Diňe biziň oňa goltgymyz gerek! Ýagşy diňe tijenmeli! Gowy umytda bolalyň. Iýul aýyna çenli entek wagt bar birneme.
-
Nol
3 years ago
- *Döwletjan ady, ýöne adyny Ýagşy diýip tutýan mydama.
-
Mecnun
3 years ago
- Türkmenabadyn gerçek yigidida bu Dowletjan...sen yensenem yenilsenem Lebaply tarapdarlaryn u.n hemise N1 bolup galarsyn...sebabi sen Bellator'da ilkinji bolup turkmen baydagyny parladarsyn taryh yazarsyn bizem muna buysanyas...elbetde ilkinji sowesinde turkmen adyny yenis b.n dunya tanatmagyny sorayas
Arslanova.L_05 3 years ago- uuu bravo Dawletjiaan