Ýabyň bujagyndan gözledim seni,
Ýyllaň gujagyndan gözledim seni.
Öýmäňe meňzeýän gyzyl öýmeleň
Uzyn seçeginden gözledim seni.

* * *

Söýgim takdyrymdan sowa geçipdir,
Ýyllar umytlarmy göge seçipdir.
Birmahalky gür saçlarym başymdan
Seň ugruňda hünübirýan düşüpdir.

* * *

Penjäm tutup bilmedi bagt guşuny,
Uçup gitdi gussa goýup başymy.
Agyr degýär bu gün daşdan synlamak
Bagtsyzlykdan seçelenýän ýaşyny...

* * *

„Wagt dermanmyş ähli derde, emgege“ —
Indi dilim aýlananok diýmäge.
Gussalary bir bejerip bilmedi,
Ýygyrt saldy birmahalky görmege.

* * *

Çarhy neçün ters aýlandy pelegiň?!
Özgä nesip etdi göwni melegiň...
Zalym ýyllar, edähediň näteňet?
Hanha, gözýaş dökýär öňki gülegim...

* * *

Gündüň, özge kalby çoýmaňy gördüm,
Güňdüm, özge ýigdi söýmäňi gördüm.
Wah, ot aldym — lowlap-lowlap ot aldym —
Ýaňy başyňdaky öýmäňi gördüm...


Sapa HOMMADOW