UMYT

Bir adam gaýnenesi bilen ýewropa syýahatyna gitmekçi bolýar. Dosty soraýar:
— Sen mydama "gaýnenem erbet" diýip zeýrenip ýöreňokdiňmi? Indi bolsa ýewropa syýahatyna gidýärsiňiz?
Dosty uludan dem alyp:
— Wah, nädeýin dostum. Ol tiz-tizden "Ýewropany görkezmän Allah janymy almasyn" diýýär… Meňki ýönekeýje bir umytda…

BEREKETLI TOPRAK

Iki dost gürleşýär:
— Bäriň topragy şeýlebir bereketlidir welin, niresine näme ekseň bire otuz edip berer.
— Waý, jan dostum, dur, sesiňi çykarma! Dek düýnkide şu ýere gaýnenemi gömdük…

ZÄHERLI KÖMELEK

Hatyn lukmana baryp:
— Haýyş ärimiň derdine bir derman tapyň— diýdi.
— Äriňe näme boldy?
— Özüni zäherli kömelek diýip oýlaýar we ejeme dynuwsyz "bol çalt iý meni" diýýär…

HOWPLY IŞ

Bir adam gaýnenesini bäşinji gatdan aşak zyňandygy üçin sud edilýär. Sudiýa şaýatlary diňlänsoň, günäkärlenýäne:
— Diýmek, gaýneneňe juda gaharlananyň üçin tutaketdirin penjireden zyňdyň, şeýlemi? Emma, muň nähili howply işdigini hiç oýlamadyňmy? Birden şo mahal köçeden biri geçip barýan bolsa näme bolardy?

SYLAG

Zoparkda iki ýolbars gürleşýär:
— Şol adam nämüçin saňa her hepde et getirip berýär?
— Unutduňmy? Geçen ýyl kapasdan gaçyp gaýnenesini iýipdima…

ŞIRIN SÖZ

Hatyn ärine zeýrenýär:
— Töräm, durmuş guranymyz bäri meň agaýyn-garyndaşlarym hakynda ýekejede şirin söz aýtmadyň. Diňe seňkiler gowy, meňkiler ýaman…
— Öýkeleme guşjagazym. Çynyň bilen isleýän bolsaň aýdaýyn: Seň gaýneneňi özümi söýüşim ýaly söýýän… A öz gaýnenemi bolsa dünýädäki iň erbet adam diýip hasaplaýan. Meň gaýnenem, seň gaýneneň dyrnagyçada ýok.

SÖZLÜK

Bazardan gelen hatyn ärine:
— Seret töräm, bu gün alan sözlügimde ýigirmi müň söz bar eken…
Gaýnenesiniň dilinden ozalam ýanyp ýören adam:
— Şuny kime görkezseňem, ejeňe bir görkezäýme, ýogsa bujagaz saçymdanam nam-nyşan galmaz.

DERT

Iki dostuň gürrüňi:
— Gaýnenem bilen iki hepdeden bäri gürleşemok.
— Hä, näme boldy, öýkeleşdiňizmi?
— Ýok, ýöne oň gepini bölmek islämokda…

HOWP

Bir adam tejribeli, meşhur ýuristden soraýar:
— Juda bilesim gelýär, adam iki heleýli bolsa nähili howp bilen garşylaşar?
— Iki gaýneneli bolmak howpy bilen…

Terjime eden: Saparmyrat GÜRGENÇLI

#Bellik: Degişmeleriň käbiri asyl nusgasyndan üýtgedilip alyndy.