"Bawariýa" "Barselonany" 8:2 hasabynda ýeňip, ýarym finala çykdy
Çempionlar ligasynyň çärýek finalynda “Bawariýa” "Barselonany" 8:2 hasabynda ýeňdi. Duşuşygyň her ýarymy birmeňzeş - 4:1 hasap bilen tamamlandy.
Katalon kluby ýewrokubok duşuşygynda ilkinji gezek şeýle köp pökgini öz derwezesinde gördi. Sports.ru-nyň habaryna görä, mundan öň toparyň iň uly ýeňlişi (6:2) 1962-nji ýylda "Walensiýa" bilen geçirilen ýarmarka kubogynda bolupdy. "Barselona" Çempionlaryň kubogynda we UEFA Çempionlar ligasynda öz derwezesine her oýunda dörtden köp pökgi geçirtmändi.
Duşuşykdaky pökgüleri nemes toparyndan Mýüller (dubl), Perişiç, Gnabri, Kimmih, Lewandowski tora girizdi we soňky iki pökgini katalon klubynyň öňki oýunçysy Filipe Koutinýo öz adyna ýazdyrdy. "Barselonanyň" gollarynyň birini oýnuň birinji ýarymynda Alaba öz derwezesine girizdi, şeýle hem 57-nji minutda Suarez hasaby 2:4-e ýetirip, topardaşlarynda umyt döretdi.
19-njy awgustda Çempionlar ligasynyň ýarym finalynda Hans-Diter Fligiň şägirtleri "Mançester Siti" - "Lion" duşuşygynyň ýeňijisi bilen duşuşar.
"Bawariýa" "Barselonany" 8:2 hasabynda ýeňip, ýarym finala çykdy
-
Nol
4 years ago
- Ýenede birzat, Bawariýalylar munuň üstünden mydama ýaňsylap gezerler, tä şu oýny yzyna gaýtarynça. Bulam haçan boljak, 10 ýyldanmy, 20 ýylmy, ýarym asyrdanmy, haçan gabatlaşanda, ondada ýerine salanda.
-
Nol
4 years ago
- Mançesteriňm öýüne putýowka beripdirler, isleseň mamaňlara barda dynç alyber diýip. Gwardiola ýalan aýtmandyr: Biz hiç haçanam çempion bolmarys! diýip
Nol 4 years ago- Geçen ýylam masgara boldy dämi şular? Liwerpuly 3-0 hasabynda utupdylar, jogap oýnunda 4-0 ýeňlip gaýtdylar. Ondan öňküsi ýylam şeýle, Liony 2-0 utupdylar öýdýän, 3-0 bolubam yzyna gaýtdylar soňkusynda, Lion şeýleräk utdy öýdýän, toçna ýadymda däl. Şu günemä ýurduna gelmän Portugaliýa gelen ýaly olar, panika ýatyşynça şu taýda boluň diýen bolmasalar.
Bu günki oýun hakynda aýdylanda, Mançester azajyk agdygrak geläýmese Liondan. Galannam bilmedim, Mançesteriň utmagyny isleýän.