Argentinanyň milli ýygyndysynyň baş tälimçisi Lionel Skaloni noýabr aýyndaky türgenleşik ýygnanyşygy üçin milli ýygynda çagyryljak oýunçylaryň atlaryny mälim etdi. Argentinalylar 2026-njy ýylyň dünýä çempionatyna saýlama ýaryşynyň çäklerinde Paragwaý (15-nji noýabr) we Peru (20-nji noýabr) bilen oýnar. Sanawa Lionel Messi, Emiliano Martines, Enso Fernandes we Lautaro Martines ýaly tanymal oýunçylar-da goşuldy. Argentinanyň milli ýygyndysynyň noýabr oýunlaryna gatnaşjak oýunçylary: Derwezebanlar: Emiliano Martines, Benites, Ruli; Goragçylar: Molina, Montýel, Romero, Pesselýa, Balerdi, Otamendi, Peres, Lisandro Martines, Talýafiko; Ýarymgoragçylar: Enso Fernandes, Paredes, Palasios, de Paul, Mak Allister, Lo Çelso, Barreneçea, Almada, Buonanotte, Pas; Hüjümçiler: Messi, Garnaço, Nikolas Gonsales, Alwares, Lautaro Martines, Kastelýanos. Häzirki wagtda Argentina günorta amerikaly ýygyndylaryň arasynda DÇ üçin saýlama ýaryşynda birinji orny eýeleýär. Paragwaý we Peru, degişlilikde, altynjy we dokuzynjy orunlarda ýerleşýär.