Amerikan MMA promouşeni Bellator meşhur PFL ligasyna goşulandygyny resmi taýdan yglan etdi. Bu barada smotrim.ru habar berýär. Şol bir wagtyň özünde, Bellator brendi hereket etmegini dowam eder, ýöne PFL-iň ýolbaşçylygynyň astynda bolar. Professional Fighters League 2012-nji ýyldan bäri hereket edýär we geçen ýylyň ahyrynda – şu ýylyň başynda onuň egindeş eýeleri arap işewürleri boldy. Olar ligany dünýäniň MMA lideri bolan UFC promouşenine mynasyp bäsdeş etmegi maksat edindiler. Şeýlelikde, olar iň gowy garyşyk başa-baş söweş ligalarynyň ilkinji bäşligine girýän Bellator (2008-nji ýylda döredilen) bilen birleşdiler. Indi Bellator promouşeniniň ýaryşlarynyň, esasan, daşary ýurtlarda geçiriljekdigi habar berilýär. Şol bir wagtyň özünde, Bellator-yň ähli söweşijileri PFL ýaryşlaryna gatnaşyp bilerler. Eýýäm geljek ýyl hünärmenler uly birleşdiriji ýaryşy gurnamagy göz öňünde tutýarlar we onda PFL-iň çempionlary Bellator-yň howandarlygyndaky titul eýeleri bilen göreşerler. Şeýlelik bilen, iki liga täze sport birleşiginiň absolýut çempionlaryny kesgitlär.