Horwatiýaly futbolçy Mateo Kowaçiç «Mançester Siti» klubuna geçdi. Bu barada klubuň resmi saýtynda habar berilýär. Şertnama dört ýyla niýetlenen. 29 ýaşly ýarym goragçy ondan öň bäş möwsümläp «Çelside» çykyş etdi we 221 oýna gatnaşdy. «Çelsiniň» düzüminde Kowaçiç Çempionlar ligasynda, Ýewropa ligasynda, UEFA Superkubogynda, Klublaýyn dünýä çempionatynda ýeňiji boldy. Horwatiýanyň düzüminde ol 2018-nji ýylda Russiýada geçen dünýä çempionatynda kümüş medal we 2022-nji ýylda Katarda geçen dünýä çempionatynda bürünç medal aldy.