Italiýanyň çempionatynyň ýokary diwizionyndan üç klub UEFA-nyň üç ýaryşynyň finalyna çykdy. Milanyň «Interi» Italiýanyň derbisinde Çempionlar ligasynyň ýarym finalynda «Milany» 3:0 hasabynda ýeňdi. Birinji oýun 2:0, ikinjisi - 1:0 hasabynda tamamlandy. Klub kubok ugrunda ýarym finalda Madridiň «Realyny» ýeňen «Mançester Siti» bilen duşuşar. «Roma» nemes «Baýeri» bilen jogap ýaryşynda deňme-deň boldy, ýöne iki oýnuň jemi boýunça finala çykdy. Birinji oýun Žoze Mourinýonyň şägirtleriniň peýdasyna 1:0 hasabynda tamamlandy. Ýewropa ligasynyň finalynda italýanlar 3:1 hasabynda ýeňiş gazanyp, başga bir italýan klubuny — Turiniň «Ýuwentusyny» ýeňen «Sewilýa» bilen duşuşar. Konferensiýalar ligasynyň ýarym finalynyň ikinji duşuşygynyň goşmaça wagtynda «Fiorentina» «Bazeli» 3:1 hasabynda ýeňdi. Birinji ýaryş Şweýsariýanyň toparynyň 2:1 hasabynda ýeňşi bilen tamamlandy. Finalda italýanlar iňlisleriň «West Hemi» bilen güýç synanyşar.