Portugaliýanyň milli ýygyndysynyň hüjümçisi Kriştianu Ronaldu bäş sany dünýä çempionatynda gol geçirmegi başaran taryhda ilkinji futbolçy boldy. Dünýä çempionaty — 2022-niň çäginde Gana garşy duşuşykda Ronaldu 11 metrlik jerime urgusyny dürs ýerine ýetirmegi başardy. Öň, 37 ýaşly futbolçy 2006, 2010, 2014, 2018-nji ýyllaryň dünýä çempionatlarynda gol geçirmegi başarypdy. Ronaldudan öň, hiç bir futbolça bäş sany dünýä çempionatynda gol geçirmek başartmandy. Pele, Uwe Zeeler, Miroslaw Kloze, Lionel Messi dört sany dünýä çempionatynda gol geçiripdi (Messiniň dördünji çempionaty häzir dowam edýär).