Maňlaýyndan öp Nämä beýdip tukat otyrsyn şahyr Bu dünýäniň soňy görnüp dur ahyr Ola Zöhre bolsa sen bolup Tahyr Barda onuň edil maňlaýyndan öp Maňlaýda öpeňde seretse aşak Saçyndan öp, boýnun bukaw dek guşap Onsoň her gaşyndan üç gezek ogşap Kem kem aşak süşüp gabagyndan öp Gabakdan öpeňde çytmasa gaşyn Ola çyn magşukdyr senem çyn aşyk Onson burun diýilýän galadan aşyp Nepese maý bermän dodagyndan öp Dodaklar bägül dek pyşyrdaşarlar Demler deme degip pyşyrdaşarlar Eliňde titrände balyk goşarlar Maňlaýyňy degirip dyrnagyndandan öp Gysyp, gysyp,gysyp ýenede gysyp Iç onsoň dil bilen dil deňziň susup Onsoň gapak döşüň ak mämä basyp Ýürek bagryň bilen ýüreginden öp Körpäniň içine çümdürip sagryn Kürük towuk kimin owkala bagryn Demiň bilen syryp ak joýaň ugrun Goşa ternäň bally sapagyndan öp Bagytlysyň,bagytlysyň,bagytlysyň onsoň Niresinden öpseň öpüwer sen soň Hapa ýeri bardyr öýtmersiň soň soň Jorabyny çykarda aýagyndan öp (Kerim Gurbannepesow) ADAMYŇ ÖMRI HAKYNDA OÝUN GATYŞYKLY ÇYN On ýaşyňda owlaksyň sen On bäşiňde toklusyň Bökmägede haklysyň sen Ýatmagada haklysyň Ýigrimide de kürresiň sen Ýigrim bäşde atsyň sen Otuz,kyrkda da çyn bedewsiň Elliiňde-de itsiň sen Hemä hilägirsiň sen Hemem akyllysyň sen Duşman üçin ýaraksyň Dosta ýakymlysyň sen Altmyş,ýetmiş,segsen,togsan Bular özüňe bagly Gaplaňam bolup bilersiň Arslanam bolup bilersiň Möjegem bolup bilersiň Şagalam bolup bilersiň Bolsaňda adam ogly Ýüze ýeteňde welin Borsuň ütülen towuk Ketegiň içem sowuk Ketegiň daşam sowuk Emma özüň adam bolsaň Ýokdur ullakan howp Iliň günüň dost ýaryň Seni horlamaz garaz Ütülen towuk diýip Azaram berip durmaz Gaty gitse diýerler Ganatsyz garry horaz (Kerim Gurbannepesow) SENDEN ULY ÝOK DIÝSELER Senden uly ýok diýseler eselmegiň sen Senden kiçi ýok diýseler peselmegin sen Özüň kiçi bolsaň uly boljak bol Özüň uly bolsaň kiçi boljak bol Sen keçe diýseler haly boljak bol Sen haly diýseler keçe boljak bol Sen köçe diýseler ýoda ýaly bol Sen ýoda diýseler köçe boljak bol Hemä öz ýaşyňdan uly ýaly bol Hemem deň duşuňdan kiçi boljak bol Özüň serdar bolsaň daýhan boljak bol Özüň daýhan bolsaň serdar ýaly bol Gerek bolan güni iliňe baş bol Soň ýene ýer depip agdar ýaly bol Öz gysga ýoluňy ýalňyz ömrüňi Şeýdip ýaşagyn sen şeýdip ötgün sen Baý baý adam bolmak kyn zat ekenow Ýogsa aňsat zatdyr öýdüpmidiň sen (Kerim Gurbannepesow)