Garaýyşlaň, ne üçin sowuk,
Ne üçin dymýäň, ýüzüň sowup.
Öz ýanyňdan meni kowup,
Wadalary, unutdyňmy.?!

Ne sebäpden, näme bilen,
Baýlykmy ýa aklyň alan.
Ýollaryňa nazar salan,
Dideleri, unutdyňmy.?!

Düşünmek kyn, aklym haýran,
Tozap arzuw, umyt weýran.
Bagta sary uzap barýan,
Ýodalary, unutdyňmy.?!

Serim sersan, jan kastyna,
Höwür tapman ýer üstünde.
Arzuwlarymyz, aý astynda,
Gijeleri, unutdyňmy.?!

Awtor: Öwezgeldi Taganow