“Sygmazmyş” Gümmürdäp-gümmürdäp baran gelende, Silleri lummurdap, düze sygmazmyş. Gursakda joş eýläp jiger gülende, Şatlygy, şowhuny ýüze sygmazmyş. Güller parlap, reýhn bolanda ýerler, Hoşboý ysdan ýaňa ýeldirgär ýeller, Seýkin basyp, seýle gelse gözeller, Şahyryň ylhamy söze sygmazmyş. Gözel güller enwer-müşkün kükeder, Gyzyl güller gözüň ýagyn ereder, Keýigokarasy nurdan pürepür, Türkmeniň bahary ýaza sygmazmyş. Heser çalyp,aşyk yşka uçrasa, Täleýiň ýyldyzy arşda yşrasa, Jigerden ýaş, dideden ot syçrasa, Aşygyň ahwaly saza sygmazmyş. Ýazyň yşkyn ýelpäp uçar durnalar, Ykşa uçran gyzlar, şol dem hüýrlener, Saparmyrat ýanar, söwer ýar ýanar, Jahana çabran ot köze sygmazmyş