ŞOL ÝAR ÖLDÜRDI Telbe boldum, indi halym harapdyr, Eý, agalar, meni şol ýar öldürdi; Müşk alyban käkillerin darapdyr, Jan agalar, meni şol ýar öldürdi. Boýnuna gol salsaň Warla, semerli, Altyn-kümüş tamam endamy zer-li, Lagly-ýakut gerdeninde, tumarly, Eý, agalar, meni şol ýar öldürdi. Arzuw edip, aý jemalyn görmeli, Ýüzde gülap, gözi-gaşy sürmeli, Bir peridir, saçy sekin örmeli, Jan agalar, meni şol ýar öldürdi. Kemine diýr, tagt üstünde jaýydyr, Derýa düri, asman kuýaş-aýydyr, Gyzlar hany, gözelleriň şaýydyr, Jan agalar, meni şol ýar öldürdi.
arapreyhan 14 years ago- Barsam Ynanmaz
Iş salyşdym bir biwepa ýar bilen,
Ýarym diýip, ýanyna barsam ynanmaz
Süýekden syzdyryp ygtybar bilen,
Oda düşsem, bişsem, ýansam ynanmaz,
Leýli-Mejnun kimin çöllere çyksam,
Arzy — Ganbar deýin derýada aksam,
Perhat — Şirin deýin daglary ýyksam,
Daşlaryň teýinde galsam, ynanmaz.
Gör, ne işler etdi Wamyku — Uzra,
Saýathan diýp goýdy ýaryny Hemra,
Depderde ýazylan Ýusup-Züleýha,
Olaryň hemrasy 'bolsam, ynanmaz.
Garyp bolup, Halap-Şirwana gaçsam,
Ýarym Şasenem diýp, örtenip-bişsem,.
Şolar kimin ýedi ýylda gowuşsam,
Yzynda sargaryp-solsam, ynanmaz.
Kemine diýr, arzym ýara ýetirsem,
Köňlumdäki syrym tile getirsem,
Iýmesem, içmesem, gözläp otursam,
Ajyksam, suwsasam, ölsem, ynanmaz.