Är dörär Il azanda töre çykar pes ýerden, Hal içinden bir birdöwlet är dörär; Doňuz depä çykar, garsak gurt alar, Kelpeseler heserlenip, mar dörär. Gaplaň ýoldan çykar, tilki il gezer, Pişik adam iýip, syçan ýol bozar, Garga bilbil bolup, bagdan gül üzer, Bilbiller gül tapmaz, tiken har dörär. Şagal şir balasy bilen iş salar, Tilki şir awuny elinden alar, Ak jeren torsukdan kän gaýra galar, Halk içinde bir apaty-nar dörär. Ýüregimde gam tohumyn ekmäge, Kast ederler sabyr öýün ýykmaga, Mätäji diýr, meni oda ýakmaga, Annagül isimli ziba ýar dörär.
arapreyhan 14 years ago- Aýdyşyk..
Gelin:
Öten-geçenden wehm eýle,
Gözleme, oglan, gözleme;
Şirin janyňa rehm eýle,
Gözleme, oglan, gözleme.
Ýigit:
Men bu sözlere bakmaryn,
Gözlärin, gelin, gözlärin;
Hiç bir kimseden gorkmaryn,
Gözlärin, gelin, gözlärin.
Gelin:
Meň bilen bolmasyn işiň,
Sadapdan paç alar dişim,
Ganyňy döker gardaşym,
Gözleme, oglan, gözleme.
Ýigit:
Seniň bilen bardyr işim,
Gözlärin, gelin, gözlärin.
Sadapdan paç alar dişiň,
Gözlärin, gelin, gözlärin.
Gelin:
Belent daglaryň gary sen,
Asaldan-zatdan ary sen,
Bisyrat ýüzüň gurusyn,
Gözleme, oglan, gözleme.
Ýigit:
Aşyk magşugyna gelmez,
Gelende-de oýnap gülmez,
Çyn aşykda haýa bolmaz,
Gözlärin, gelin, gözlärin.
Gelin:
Gaşym jellat, gözüm ýagy,
Ýüregimde goýduň dagy,
Ak ýüzden öpüş al dagy,
Gözleme, oglan, gözleme.
Ýigit:
Saba bolar goňşyň ýatmaz,
Söwer myradyna ýetmez,
Öpüş bilen bir iş bitmez,
Gözlärin, gelin, gözlärin.
Gelin:
Sallanyp gelgin oýnuma,
Goluňy salgyn boýnuma,
Bolmasa, gel, gir goýnuma,
Gözleme, oglan, gözleme.
Ýigit:
Mätäji diýr, ýagty gije,
Inçe biliň guça-guça,
Armanym ýok tä ölinçä,
Gözlärin, gelin, gözlärin.