GÜLEN BAR MY? Eý ýaranlar musulmanlar, Ýyglamaýyp gülen bar my? Ýalançy pany dünýede, Giden gaýdyp gelen bar my? Kimse wepa tohmun eker, Kimse ajal zahmyn çeker, Kimse gamdan azat eder, Sararmaýyp, solan bar my? Bildim bu dünýe çaglygyn, Gam gaflatda oýaglygyň, Hassa bolmaýan saglygyň, Ganymatyn bilen bar my? Bu dünýe iki pyrakdır, Biri gara, biri akdyr. Menzil iki ýol yrakdyr, Onyň pikrin kylan bar my? Şeýdaýy diýr gelen geçer, Bu güzere(dünýä) gonan göçer, Ýigitlik çyragy öçer, Bu sözümde ýalan bar my?
arapreyhan 14 years ago- BEGLER
Malaý hanyň zerin açdym,
İçdim gana-gana begler,
Ýalança(dünýä) geldim tutaşdım,
Geçdim ýana-ýana begler.
Bir çemen bogdum getirdim,
Ne şahyna gol ýetirdim,
Gülüň möwsümin ötürdim,
Gaçdym zemistana begler.
Söwdagär men maýda bilmen,
Ýara syrym aýda bilmen,
Ýaz gelip men, gaýda bilmen,
Galdym zemistanda begler.
Gury agaç ýanar, söner,
Ol agaçdan hasyl öner,
Däli döwran kime döner,
Öwrüler zamana begler.
Jennet bolar jaýyň seniň,
Gol uzadyp, supra ýaýyň,
Şeýdaýy diýr gulak goýuň,
Biziň bu dessana begler.